Aaron Mike Oquaye

Aaron Mike Oquaye

human

Sex or gender	male
Country of citizenship	Ghana
Name in native language	Aaron Mike Oquaye
Given name	Mike, Aaron
Family name	Oquaye
Date of birth	4 Ebɔbira 1944
Place of birth	Krobo Odumase
Child	Mike Oquaye Jnr
Languages spoken, written or signed	English, Ga
Occupation	diplomat, university teacher, lawyer, politician
Employer	University of Ghana
Position held	Speaker of the Parliament of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana, Minister for Communications
Educated at	School of Oriental and African Studies, University of London, University of Ghana, Presbyterian Boys' Senior High School, Akuafo Hall, Apam Senior High School
Member of political party	New Patriotic Party
Religion or worldview	Baptists

Aaron Mike Oquaye (wɔwoo no 4 Ebɔbira 1944) yɛ Ghana mbranyimfo (barrister) na amanyɛnyi a ɔyɛɛ Mbrahyɛbagua ne Kasafo a ɔtɔ do esia (6) wɔ Ghana Amansin a ɔtɔ do anan (4) mu fitsi afe 2017 kesi afe 2021. Ɔyɛ nwomanyimfo (academic), ɔman nanmusinyi (diplomat) na nkan no Baptist somfo, nna ɔwɔ aban mpanyimfo asomfo dwumadzi a ɔfa ahoɔdzen na nkitahodzi ho, nna ɔsan yɛ Ghana Ananmusinyi Panyin a ɔhwɛ India na Maldives (Ghanaian High Commissioner to India and Maldives) do wɔ Ɔmanpanyin Dadaw J. A. Kufuor amambu no mu.

Ahyɛse Bra

Wɔwoo Michael Aaron Oquaye Ebɔbira 4, 1944 mu wɔ Osu, Nkran, Ghana (nkan Gold Coast), a nna ɔyɛ E. G. N Oquaye a ofi Osu na Felicia Awusika Abla Oquaye (née Azu) a ofi Odumase-Krobo hɔn ba. Wɔtsetsee no wɔ Asamankɛse a ɔwɔ ɔman yi n'epuei Mantɔw mu. Hɔ na ɔkɔr n'ahyɛse skuul wɔ Roman Catholic Primary School na Presbyterian Middle School ansaana ɔrotoa do akɔ Presbyterian Boys' Secondary (PRESEC), wɔ Odumase-Krobo na bio Apam Ntoado Skuul.

Nna Oquaye ne papa ka nyimpakuw a wɔtsew United Gold Coast Convention (UGCC) ho wɔ Asamankɛse. Nna ɔyɛ obi a ɔhwɛ sikasɛm na no mu nsɛm do wɔ UGCC, Gold Coast Party(GCP), National Liberation Movement ( NLM) na United Party ( UP) mu wɔ Asamankese. Ber a Oquaye yɛ abofra no, n'ebusua nyaa amanyɛsɛm mu mpanyimfo bi tse dɛ Dr. J. B. Danquah na Prof. Kofi Abrefa Busia dɛ ahɔho wɔ hɔn fie. Ber a Okyenhen Nana Ofori Atta II wɔ efiadze wɔ Nkran no, nna ɔtaa ba Oquaye hɔn fie wɔ Asamankɛse.

Nwomasua Na Edwumasɛm

Oquaye kɔr ntoado skuul wɔ Presbyterian Boys' Senior Secondary School, hɔ na onyaa ne GCE "O"-Level abɔdzin, na onyaa ne "A" Level abɔdzin wɔ Apam Secondary School. Ɔkɔr University of Ghana na ekyir no ɔkɔr University of London, a ɔwɔ Lincoln's Inn, London. Okitsa abɔdzin nkrataa bi tse dɛ, B.A. (Hons.) Political Science, L.L.B. (Hons.), B.L. na PhD. Ɔyɛ obi a ɔbɔ noho mbɔdzen wɔ solicitor na barrister mu, ɔsan yɛ panyin a ɔda nara ne mbranyim edwuma ano. Ɔyɛ 'barrister' wɔ Supreme Court a ɔwɔ England na Wales, kuw panyin dze ma Ghana Bar Association, na solicitor dze ndwumakuw na sikasɛm ndwuma ahorow.

Nwomasua Mu Mbɔdzembɔ

Oquaye yɛ Political Science mu Ɔbemfo wɔ University of Ghana, (Legon) a nna nkan no ɔyɛ Head of the Department wɔ Political Science mu na Suapɔn ne Nwomasua mu nyi, dzibew a ɔwɔ ekuwekuw nyina mu. Onyaa ne Ph.D wɔ School of Oriental and African Studies mu wɔ London, a ɔsan so nyaa Rockefeller Senior Scholar abadobɔdze akyɛdze wɔ afe 1993 mu na Senior Fulbright Scholar abadobɔdze wɔ afe 1997 mu. Ɔabɛyɛ Kyerɛkyerɛnyi a ɔtaa sera George Mason University a ɔwɔ Virginia no. Fitsi 1997 kesi 1999, nna ɔyɛ panyin abadziekyir dze ma African Association of Political Science (AAPS), a ɔwɔ Zimbabwe.

Nwoma W'akyerɛw Na Mpontu

Oquaye a ɔyɛ akyerɛwfo a ɔakyerɛw pii afa aban papa ho, metsemohoase, amanyɛsɛm mu nyimdzee, na mpontu, nyimpa ne fahodzi, nsodaafo mboae wɔ amanyɛsɛm mu, NGOs, nkurase mpontu na banyin na basia ho nsɛm. Ɔgye mbasiafo fahodzi dzi.