Freddie Blay
| Sex or gender | male  |
|---|---|
| Country of citizenship | Ghana |
| Given name | Frederick |
| Family name | Blay |
| Date of birth | 1942 |
| Spouse | Gina Blay |
| Languages spoken, written or signed | English |
| Occupation | politician, lawyer |
| Position held | Member of the 4th Parliament of the 4th Republic of Ghana, Member of the 3rd Parliament of the 4th Republic of Ghana, Member of the 2nd Parliament of the 4th Republic of Ghana |
| Educated at | University of Ghana, Ghana School of Law, Akuafo Hall |
| Member of political party | Convention People's Party |
| Religion or worldview | Eastern Orthodoxy |
Frederick Worsemao Armah Blay a nyimpa pii frɛ no Freddie Blay, mbranyimfo, Ghana ɔmanyɛnyi na Ghana Ɔman Mbrahyɛbagua a ɔtɔ do ebien (2), ebaasa (3) na aanan (4) no munyi a ɔgyina Ellembelle Mantɔw mu a ɔwɔ Ghana Atɔe Fam Mantɔw mu no ananmu.
Edwuma[sesa mu | sesa ekyirsɛm]
Wɔsan nso paw Blay dɛ Ghana Ɔman Petroleum Corporation (GNPC) no mpanyimfo kuw no guamtranyi.[2] Wɔ afe 2021 mu no, Nana Akufo-Addo san paw no dɛ GNPC board guamtranyi.
Mprempren ɔyɛ Ɔhokafo Panyin wɔ Blay and Associates. Ɔsan nso yɛ Western Publications Limited, a ɔyɛ Daily Guide atsesɛm krataa no tintimfo, Kuw no fa tsitsir, Business Guide, News-One na Young Blazers no bagua no guamtranyi nye kyɛfa dodow no ara.
Amanyɛsɛm[sesa mu | sesa ekyirsɛm]
Na Blay yɛ mbrahyɛbaguanyi wɔ Ghana na ɔyɛɛ ɔkasafo abadiakyir a odzi kan wɔ Ghana Mbrahyɛbagua a ɔtɔ do anan no mu. Ɔhweree n’agua wɔ amansan abatow a wɔyɛɛ no 7 Mumu 2008 no mu maa Armah Kofi Buah a ɔfir NDC. Na ɔyɛ Convention People’s Party (CPP) no munyi, nanso ogyaee edwuma no mu dɛ ɔrekɔka Patriotic Party fofor no ho ber a CPP mu atsitsir binom kasa tsiaa no dɛ wɔanyɛ ɔsatu amma CPP frankaa do hwɛfo Paa Kwesi Nduom, mmom no, ɔfoaa NPP ɔmampanyin Nana Akufo-addo a ɔpɛ dɛ ɔyɛ ɔmanpanyin no do. Freddie Blay kɔɔ AdiSadel College.
Ber a ɔdze nye ho bɔɔ NPP ekyi no, ɔgyinaa hɔ na wɔpaw no dɛ ɔnyɛ kuw no oguamtranyi abadiakyir wɔ Ebɔbira 2014 mu. Ber a kuw no pam nye oguamtranyi Paul Afoko ekyi no, ɔpaw Blay dɛ nye guamtranyi a ɔreyɛ edwuma. Ɔgyinaa hɔ maa no na wɔpaw no dɛ ɔman no oguamtrani a ɔdzi mu wɔ NPP Party ɔman nhyiamu bi ase wɔ Koforidua a ɔkɔɔ do fir 7 kɔsi 8 Ayɛwoho 2018.
Wɔ Oguamtranyi akansi no enim no, ekyingye pii bae ber a Blay hyɛɛ bɔ dɛ ɔtɔɔ bus 275 maa akuw no amansin 275 no na awiei koraa no ɔtɔɔ bus ahorow 275 a wɔkyerɛ dɛ ɔyɛ dɔla ɔpepem 11 no. Ɔsɔretia no srɛɛ dɛ hɔn nyɛ nhwehwɛmu. Dzea ɔsɔre tsia Blay wɔ abatow no mu no frɛɛ no abatow a wɔtɔ. Blay kaa dɛ wɔdze bosea a ɔfir Universal Merchant Bank hɔ na ɔtɔɔ bus ahodo no dɛ Ɔman Transport Company no bɛgyina NPP amansin no ananmu.
Afe 1996, 2000 na 2004 Abatow[sesa mu | sesa ekyirsɛm]
Wɔpaw Blay dɛ mbrahyɛbaguanyi maa Ellembele mansin a ɔwɔ Ghana Atɔe fam mantɔw mu wɔ afe 1996, 2000 na 2004 Ghana amansan abatow mu. Entsi ɔgyinaa amansin no ananmu wɔ Ghana man a ɔtɔ do anan (4) no mbrahyɛbagua a ɔtɔ do ebien (2), ebaasa (3) na anan (4) no mu. Ɔgyinaa Convention Peoples’ Party a saa ber no na ɔnyeNew Patriotic Party (NPP) yɛɛ amammui aware no tekiti do, na sɛnea ɔtse no, wamfa NPP kandzifo biara amma Ellembele Mantɔw no mu. Wɔ mbrahyɛbagua no mu wɔ afe 1996 mu no, nyimpa kakraa bi a NPP dzi hɔn enyim no, paw no dɛ Ɔkasafo Abadiakyir a ɔtɔ do ebien, ber a NDC Ken Dzirasah na odzi kan.
Ber a NPP dzii nkonyim wɔ afe 2000 abatow no mu no, Blay bɛyɛɛ Ɔkasafo Abadiakyir a odzi kan, na Dzirasah na ɔyɛ dzea ɔtɔ do ebien. Wɔ afe 2004 mu no, NDC no dze Ala Adjetey a na ɔyɛ ɔkasafo a na wadzi kan ama saa dzibea kor no ara no too NPP dodow no ara Ebenezer Sekyi-Hughs do. Eyi maa Dzirasah na NDC nyaa Ɔkasafo Abadiakyir a ɔtɔ do ebien dzibea, na ɔkɔɔ NPP Alhaji Alhassan nsam.
Wɔdzii kan paw no wɔ afe 1996 mu a ɔtoo aba 11,674 wɔ abatow 25,099 a ɔfata a wɔtoo no mu a ɔgyina hɔ ma 30.20% wɔ n’asɔretsiafo Constance Nyamikey-Quaicoe a ɔyɛ NDC munyi a ɔtoo aba 11,663 na Abdul Karim Pennah a ɔyɛ PNC munyi a ɔtoo aba 1,762.
Ɔtoo aba 13,722 wɔ abatow 24,127 a ɔfata a wɔtowee a ɔgyina hɔ ma 56.90%, Kaku Korsah yɛ NDC munyi a ɔtoo aba 9,554 a ɔgyina hɔ ma 39.60%, Frank Acquah Adamu yɛ NRP munyi a ɔtoo aba 630 a ɔgyina hɔ ma 2.60% na Abdul Karim Pennah yɛ PNC munyi a ɔtoo aba 221 abatow a ɔgyina hɔ ma 2.60%.
Wɔpaw Blay wɔ afe 2004 mu a ɔtoo aba 18,428 wɔ abatow 34,969 a ɔfata a wɔtowee nyinara mu. Eyi nye abatow a ɔfata a wɔtowee nyinara mu 52.7% yɛ pɛ. Wɔpaw no wɔ Shaibu Chie Issaka a ɔyɛ People’s National Convention no do, Kaku Korsah a ɔyɛ National Democratic Congress no do na Kyiamah Kaku yɛ obi a ɔpɛ dɛ ɔyɛ ɔkannyifo a ɔdze nye ho. Eyinom nyaa abatow 388, abatow 11,322 na abatow 902 wɔ abatow a ɔfata a wɔtowee nyinara mu. Wɔdze Convention People’s Party no tekiti na ɛpaw Blay.