Yaw Ntow Ababio
| Bɔbea | male  |
|---|---|
| Da a wɔwoo no | 20 Dzifuu 1959 |
| Bea a wɔwoo no | Dormaa East District |
| N'edwuma | manager, politician, administrator |
| Dzibew | Member of the 5th Parliament of the 4th Republic of Ghana, Member of the 4th Parliament of the 4th Republic of Ghana |
| Educated at | University of Cape Coast |
| Member of political party | New Patriotic Party |
| Religion or worldview | Presbyterianism, Eastern Orthodoxy |
Yaw Ntow Ababio yɛ Ghana amanyɛnyi. Na ɔyɛ mbrahyɛbaguanyi ma Dormaa East ambatow mpasua a ɔwɔ Brɔn na Ahafo Mantɔw mu wɔ Ghana.
Abrabɔ ahyɛse na nwomasua
[sesa mu | sesa ekyirsɛm]Wɔtsetsee Ababio wɔ Dormaa-Akwamu a ɔwɔ Brɔn na Ahafo Mantɔw mu wɔ Ghana. Wɔwoo no wɔ Dzifuu 20, 1959 mu. Owiee skuul wɔ International Professional Managers Association a ɔwɔ United Kingdom wɔ afe 2003 mu, kɔ gyee abodzin krataa (Diploma) wɔ Ndzɛmba toto mu (Management). Ɔsan so kɛgyee abɔdzin krataa (master's degree) wɔ Edwuma mu kwankyerɛfo (Administration) wɔ Kabi ma menka bi, Amambu na Mbra mu wɔ University of Cape Coast wɔ afe 2007 mu.
Edwuma
[sesa mu | sesa ekyirsɛm]Ababio yɛ Ɔhwɛdofo anaa Edwuma mu kwankyerɛfo. Ansaana ɔrebɛhyɛ n'amanyɛsɛm edwuma ase no, na ɔnye Global Haulage Camp edwumakuw a ɔwɔ Nkran Kuropɔn Ghana yɛ edwuma dɛ obi a ɔhwɛ ma wɔyɛ ndzɛmba.
Amanyɛsɛm
[sesa mu | sesa ekyirsɛm]Dze nam New Patriotic Party do ntsi Ababio dzii kan bɛyɛɛ mbrahyɛbaguanyi maa Dormaa East abatow mpasua a ɔwɔ Brɔn na Ahafo Mantɔw mu wɔ Ghana wɔ afe 2004 Ghana abatow kɛse no ekyir. Iyi kyerɛ dɛ mber a odzii kan gyinaa ma abatow mpasua no wɔ mbrahyɛbagua a ɔtɔ do anan wɔ Ghana Republic a ɔtɔ do anan mu. Onyaa mba 11,533 fri amba dodow a wɔtowee 19,480 mu. Iyi gyina hɔ ma 58.1%. Odzii Nicholas K. Adjei-Kyeremeh a ɔwɔ National Democratic Congress, Alexander Asante Oppong a ɔwɔ Convention People's Party na Lovea Amponsah a ɔwɔ Democratic People's Party no hɔn do nkonyim. Dɛ ma wɔhyehyɛ no pɛpɛɛpɛ a wonyaa amba 38.00%, 2.90% na 1.00%. New Patriotic Party nyaa mbrahyɛbagua ngua ahaeduonu ebiasa fri ngua ahaebien na eduasa mu dɛ hɔn a hɔn ho dɔɔ so wɔ mbrahyɛbagua a ɔtɔ do anan wɔ Ghana Republic a ɔtɔ do anan mu. Dormaa East abatow mpasua no kaa mbrahyɛbagua ngua duanan fi ngua eduonu anan a wodzii do nkonyim wɔ Brɔn na Ahafo Mantɔw mu no. Ababio dɛ mbrahyɛbaguanyi a ɔwɔ mbrahyɛbagua a ɔtɔ do anan sanso som dɛ ɔkasamafo abadziekyir wɔ hɔn a wɔ yii hɔn dɛ wɔnhwɛ Akwan na Akwantu do no.
Wɔsan yii no wɔ afe 2008 Ghana abatow kɛse no mu dɛ mbrahyɛbaguanyi maa Dormaa East abatow mpasua dze nam New Patriotic Party do. Iyi kyerɛ dɛ ogyinaa maa abatow mpasua no wɔ mbrahyɛbagua a ɔtɔ do enum wɔ Ghana Republic a ɔtɔ do anan mu. Ɔdze mba 11,363 fi mba dodow a wɔtow no 19,188 mu dzii nkonyim. Iyi nye 59.22% yɛ pɛr. Odzii Isaac Kofi Kyeremeh a ɔwɔ National Democratic Congress, Samuel Badu a ɔwɔ Democratic Freedom Party, Alexander Asante Oppong a ɔwɔ Convention People's Party na Lovea Amponsah a ɔwɔ Democratic People's Party hɔn do nkonyim. Dɛ wɔhyehyɛ no pɛpɛɛpɛ a wonyaa amba 33.80%, 4.35%, 2.48% na 0.16% fi amba dodow a wɔtowee no mu. New Patriotic Party dzii ngua dodow duesia fi ngua eduenu anan do nkonyim wɔ Brɔn na Ahafo Mantɔw mu wɔ afe 2008 Ghana abatow kɛse no mu. Naaso wonyaa ngua ɔha na du fri ngua ahaebien na eduasa mu wɔ mbrahyɛbagua a ɔtɔ do enum wɔ republic a ɔtɔ do anan mu.
Asetsena mu nsɛm
[sesa mu | sesa ekyirsɛm]Ntow Ababio awar awo mba ebiasa. Ɔyɛ Christiannyi na asɔrba wɔ Presbyterian Asɔr wɔ Ghana.