Stephen Adoma-Yeboah

Stephen Adoma-Yeboah

human

Bɔbea	male
Ɔman a ofir do	Ghana
Dzin a wɔdze ama no	Stephen
Ebusua dzin	Yeboah
Languages spoken, written or signed	English
N'edwuma	politician
Dzibew	Member of the 3rd Parliament of the 4th Republic of Ghana
Member of political party	New Patriotic Party
Religion or worldview	Eastern Orthodoxy

Stephen Adoma-Yeboah yɛ Ghana ɔmanyɛnyi na nna ɔyɛ mbrahyɛbaguanyi ma Dormaa Epuei Ambatow mpasua a ɔwɔ Brong Ahafo mantɔw mu wɔ Ghana. Nna ɔyɛ mbrahyɛbaguanyi wɔ Ghana Ka-bi-ma-menka-bi amambu a ɔtɔ do anan no ne mbrahyɛbagua a ɔtɔ do ebiasa no mu.

Amanyɛsɛm

Adoma-Yeboah yɛ New Patriotic Party amanyɛkuw no mu ba. Wɔpaaw no dɛ mbrahyɛbaguanyi maa Dormaa Epuei Ambatow mpasua a ɔwɔ Brong Ahafo mantɔw mu wɔ Ghana Ka-bi-ma-menka-bi amambu a ɔtɔ do anan no ne mbrahyɛbagua a ɔtɔ do ebiasa no mu. Yaw Ntow Ababio na obedzii n’adze wɔ afe 2004 Ghanaman mu nyina ambatow kɛse mu.

Ambatow

Wɔpaaw Adomah-Yeboah dɛ mbrahyɛbaguanyi maa Dormaa Epuei Ambatow mpasua no wɔ afe 2000 Ghanaman mu nyina ambatow kɛse no mu. Wɔpaaw no wɔ New Patriotic Party amanyɛkuw no ne dzin mu. Nna n'ambatow mpasua no ka mbrahyɛbagua mu ngua duanan a New Patriotic Party amanyɛkuw no nyae wɔ mbrahyɛbagua ngua eduonu kor a ɔwɔ Brong Ahafo Mantɔw no mu no ho. New Patriotic Party amanyɛkuw no nyaa mbrahyɛbagua mu ngua aha ebien no mu ɔha dze benyaa dɔm kɛse a nna ɔwɔ mbrahyɛbagua a ɔtɔ do ebiasa wɔ Ghana Ka-bi-ma-menka-bi amambu a ɔtɔ do anan no mu. Amba 9,782 na ɔdze dzii konyim wɔ amba 16,138 nyina a wɔtowee no mu. Iyi maa onyaa amba dodow a wɔtowee no mu 60.9% . Adomah-Yeboah kyɛɛn Nicholas Kwabena Agyei-Kyereme a ofi National Democratic Congress amanyɛkuw no mu, Obeng Kwasi Emmanuel a ofi National Reform Party amanyɛkuw no mu na Kyeremeh Addae Hinneh a ofi Convention People's Party amanyɛkuw no mu. Woyinom mu biara nyaa amba 5,599, 397 na 291 wɔ amba a wɔtowee no nyinara mu. Nna iyinom gyina hɔ ma 34.8%, 2.5% na 1.8% .