Seidu Paakuna Adamu

Seidu Paakuna Adamu yɛ Ghana ɔmanyɛnyi na mbrahyɛbaguanyi ma mbrahyɛbagua a ɔtɔ do ebien na ebiasa wɔ aban a ɔtɔ do anan mu wɔ Ghana. Ɔyɛ mbrahyɛbaguanyi dada ma Bibiani ambatow mpasua a ɔwɔ Anee Mantɔw mu wɔ Ghana dze nam National Democratic Congress amanyɛkuw do.

Amanyɛsɛm

Nna Adamu yɛ mbrahyɛbaguanyi ma mbrahyɛbagua a ɔtɔ do ebiasa wɔ aban a ɔtɔ do anan mu wɔ Ghana. Ɔyɛ kuwba wɔ National Democratic Congress amanyɛkuw na ɔnanmusifo ma Bibiani ambatow mpasua a ɔwɔ Anee Mantɔw mu wɔ Ghana. N'amanyɛsɛm edwuma hyɛɛ ase ber a okegyinaa dɛ National Democratic Congress kuwba wɔ afe 1996 Ghana ambatow kɛse no mu na odzii nkonyim no. Onyaa amba 24, 437 fii amba dodow 37, 712 mu a egyina hɔ ma 52. 30% dze tsiaa n'akansifo Christopher Addae NPP kuwba a onyaa amba 13, 275 na Moses Jasi-Addae EGLE kuwba a oenya amba biara.

Afe 2000 ambatow

Wɔpaa Adamu dɛ mbrahyɛbaguanyi maa Bibiani ambatow mpasua wɔ afe 2000 Ghana ambatow kwse no mu. Odzii nkonyim dze nam National Democratic Congress do. Mbrahyɛbagua ngua 19 a nna ɔwɔ hɔ no, n'ambatow mpasua no ka ngua 9 a National Democratic Congress dzii do nkonyim wɔ Anee Mantɔw mu. Mbrahyɛbagua a ɔtɔ do ebiasa wɔ aban a ɔtɔ do anan mu wɔ Ghana no, National Democratic Congress nyaa mbrahyɛbagua ngua 92 fii ngua dodow 200 mu. Onyaa amba 19,818 fii amba dodow 38,378 a wɔtoow mu dze dzii nkonyim. Iyi gyina hɔ ma 53.7% fi amba dodow a wɔtoow no mu. Ɔdze iyi dzii n'akansifo no do nkonyim. Christopher Addae a ɔwɔ New Patriotic Party nyaa amba 16, 736 a egyina hɔ ma 45%, Anthony K. Gyasi a ɔwɔ Convention People's Party nyaa amba 318 a egyina hɔ ma 0.9%. Richard A. Donkor a ɔwɔ National Reformed Party na John Boakye Adae a onnyi amanyɛkuw biara mu no ennya amba biara.