Richard Winfred Anane

Richard Winfred Anane

human

Bɔbea	male
Ɔman a ofir do	Ghana
Dzin a wɔdze ama no	Richard
Da a wɔwoo no	12 Ebɔw 1954
Bea a wɔwoo no	Santasi, Kumasi
Languages spoken, written or signed	English
N'edwuma	civil servant, politician, physician, health professional
Educated at	Kwame Nkrumah University of Science and Technology
Member of political party	New Patriotic Party
Religion or worldview	Catholicism

Richard Winfred Anane ( a wɔwoo no Ebɔw 12, 1954) yɛ oduyɛfo na kan Ghana ɔmanyɛnyi a ɔsoom dɛ Soafo a ɔhwɛ Akwan na Akwan akɛseɛ do, Soafo a ɔhwɛ Apɔwmudzen do, na mbrahyɛbaguanyi ma Nhyiaeso a ɔsoom afe 1997 mu dze kesii afe 2017.

Ɔbra Ahyɛse Na Nwomasua

Wɔwoo Anane wɔ Ebɔw 12,1954. Ofi Santase a ɔwɔ Esuantse Mantam no mu. Onyaa ne ntoado skuul adzesua wɔ Asanteman Senior High School. Afe 1983 mu no, Anane nyaa MB CHB fii Kwame Nkrumah Esuapɔn a ɔhwɛ Abɔdze mu Nyansapɛ na Mfirdwuma Do (KNUST)wɔ Kumase.

Edwuma

Nna Anane yɛ oduyɛfo wɔ Hebron Ayaresabea, a ɔwɔ Bantama ansaana ɔrebɛyɛ mbrahyɛbaguanyi wɔ afe 1997 mu.

Amanyɛsɛm Dwumadzi Ahorow

Anane ka New Patriotic Party amanyɛkuw no ho. Ogyinaa afe 2012 Ghana amansan ambatow kɛse no mu wɔ New Patriotic Party amanyɛkuw no ne dzin mu na odzii konyim. Onyaa amba 36,067 wɔ amba 47, 535 a wɔtowee no mu, a ogyina hɔ ma 75.9%, a ɔyɛ nhwɛdo a nna ɔkyerɛ mbrɛ nkorɔfo esi agye no ato mu. Anane somee wɔ dzibew ahorow pii a ɔwɔ aban mpanyimfo kuw no mu wɔ John Agyekum Kufuor ne pɛn do, dɛ ɔyɛ Soafo a ɔhwɛ Apɔwmuzen do na Soafo a ɔhwɛ Akwan na Akwan akɛse do fi afe 2001 kesi afe 2006.

Ambatow

Wɔpaaw Anane dɛ mbrahyɛbaguanyi wɔ Nhyiaeso ambatow mpasua no do a ɔwɔ Esuantse Mantam mu wɔ Ghana wɔ afe 2004 Ghana amansan ambatow kɛse no mu. Odzii konyim wɔ New Patriotic Party amanyɛkuw no ne dzin mu. Nna ne ambatow mpasua no ka mbrahyɛbagua ngua 36 a ɔwɔ nkongua 39 a New Patriotic Party amanyɛkuw dzii konyim wɔ dɛm ambatow no mu wɔ Esuantse Mantam no mu no ho. New Patriotic Party amanyɛkuw no dze mbrahyɛbagua mu ngua 128 nyaa dɔm kɛse no wɔ ngua 230 nyina mu. Onyaa amba dodow 46,626 a wɔtowee nyina no mu 36,307. Nna iyi gyina hɔ ma amba a wɔtowee no no mu 77.9% . Wɔpaaw ɔno na wogyaa Eric Baah-Nuako a ofi National Democratic Congress amanyɛkuw no mu na Kwame Appiah Boateng a ofi Convention People's Party amanyɛkuw no mu. Woyinom biara nyaa amba 8,908 na 1,411 wɔ amba a wɔtowee no nyinara mu. Nna iyi gyina hɔ ma amba a wɔtowee no no mu 19.1% na 3%.

Afe 2008 mu no,ogyinaa New Patriotic Party amanyɛkuw no anan mu dzii konyim wɔ ambatow kɛse a ɔkɔr do no mu wɔ ambatow mpasua kor noara do. Nna n'ambatow mpasua no ka mbrahyɛbagua ngua 34 a ɔwɔ nkongua 39 a New Patriotic Party amanyɛkuw dzii konyim wɔ dɛm ambatow no mu wɔ Esuantse Mantam no mu no ho.New Patriotic Party amanyɛkuw no dze mbrahyɛbagua mu ngua 109 nyaa dɔm kɛse no wɔ ngua 230 nyina mu. Onyaa amba dodow 47,535 a wɔtowee nyina no mu 36,067. Nna iyi gyina hɔ ma amba a wɔtowee no no mu 75.87%. Wɔtowee maa ɔno na wogyaa Joseph Bernard Boadu a ofi National Democratic Congress amanyɛkuw no mu, Kwame Appiah Boateng a ofi Convention People's Party amanyɛkuw no mu, Kwaku Bonsu a ofi Reformed Patriotic Democrats amanyɛkuw no mu na Kwame Owusu a ɔannkɔ wɔ amnyɛkuw biara dzin mu no.

Afe 2012 mu no,ogyinaa New Patriotic Party amanyɛkuw no anan mu dzii konyim wɔ ambatow kɛse a ɔkɔr do no mu wɔ ambatow mpasua kor noara do. Onyaa amba dodow 56,558 a wɔtowee nyina no mu 45,389. Nna iyi gyina hɔ ma amba a wɔtowee no no mu 76.21%. Wɔtowee maa ɔno na wogyaa Nana Afua Anima a ofi National Democratic Congress amanyɛkuw no mu, Yaw Sekyere a ofi Progressive People's Party amanyɛkuw no mu, Emmanuel Dapaah a ofi Convention People's Party amanyɛkuw no mu na Peter Boakye-Yiadom a ofi National Democratic Party amanyɛkuw no mu no. Dɛm akansifo yi mu biara nyaa amba 12,304, 666, 807 na 392 wɔ amba dodow a wɔtowee no mu. Amba dodow a wɔtowee no, nna obiara nedze gyina hɔ ma 20.66%, 1.12%, 1.35% na 0.66%.

N'abrabɔ

Anane yɛ Kristonyi na ɔsan kɔ Roman Asɔr no bi. Anane awar na ɔwɔ mba baanan.