Richard Sam Quarm

Richard Sam Quarm yɛ Ghana amanyɛnyi na mbrahyɛbaguanyi ma Gomoa East abatow mantɔw mu wɔ Mfinimfin Mantɔw mu wɔ Ghana, wɔ mbrahyɛbagua a otsia anan wɔ Kwasafoman a a ɔtɔ do anan no mu.

Ɔbra ahyɛse na nwomasua

Afe apem ahaakorɔn eduosia anan Ayɛwoho bosoom ne da a otsia eduonu awɔtwe mu na wɔwoo Quarm. Ɔkɔr Suapɔn wɔ University of Ghana, na hɔ na onyaa ne Master of Business degree. N'nyi tsiim nkontaabu do.

Edwuma

Quarm yɛ nkontaabunyi. Ɔsanso yɛ amanyɛnyi.

Amanyɛsɛm

Quarm kɔr amanyɛsɛm mu wɔ ber a wɔpaaw no dɛ mbrahyɛbaguanyi maa Gomoa East abatow mpasuar a ɔwɔ Mfinimfin mantɔw mu wɔ Ghana wɔ afe 2004 mu Ghana amansan abatow no mu. Ɔyɛ New Patriotic Party no kuwba. Quarm soom afe anan pɛr. Nkyir yi ogyinaa maa ne mpasuar no wɔ mbrahyɛbagua a otsia anan wɔ mbrahyɛbagua a ɔtɔ do anan no mu fitsi afe mpemebien na enum Sanda bosoom no ne da a ɔtɔ do esuon no kesi afe mpemebien na akorɔn Sanda bosoom ne da a ɔtɔ do esia mu. Ekow Panyin Okyere Eduamoah a ɔyɛ NDC kuwba no botuu no adze do wɔ afe mpemebien na awɔtwe Ghana asahen abatow no mu.

Afeb2004 Abatow

Afe 2004 Ghana amansan abatow no mu na na odzi kan a wɔpaaw Quarm dɛ mbrahyɛbaguanyi wɔ mba 19,634 a onyae fii mba dodow 37,801 no mu. Nna aba yi nye 51.9% yɛ pɛr. Wosiaan Justice Ekow Asafua-Ocran a ɔyɛ People's National Convention kuwba, Theophilus Kofi Ampah a ɔyɛ National Democratic Congress kuwba, Grace Ignophia Appia a ɔyɛ Convention People's Party kuwba, Evans Kofi Otoo a ɔyɛ Democratic People's Party kuwba; na Kofi Otu na Michael Leonard Kojo Amoah a wɔyɛ "independent candidates" ho paaw Quarm. Mba a wonyae yɛ 0.6%, 38.2%, 2.9%, 0.7%, 5.1% na 0.5% pɛpɛɛpɛr. Quarm kɔr mbrahyɛbaguafie wɔ NPP dzin mu. Nna ne mpasuar ka abatow mpasuar du esia a NPP amanyɛkuw no kantann do wɔ Mfinimfin Mantɔw mu wɔ dɛm abatow no ho. Ne nyinara mu no, NPP nyaa dɔmpem dzibew a ɔyɛ ɔha nye eduonu awɔtwe mbrahyɛbafie ngua wɔ mbrahyɛbagua a otsia anan no wɔ kwasafoman a ɔtɔ do anan no mu wɔ Ghana.

Ne bra

Quarm yɛ Kristianyi.

Nhwɛdo

1. ^ ^{a b c d e f}
2. ^ ^{a b c}
3. ^ ^{a b c d}
4. ^
5. ^
6. ^ "Statistics of Presidential and Parliamentary Election Results". Fact Check Ghana. 10 August 2016. Retrieved 4 August 2020.