Richard Dornu Nartey

Richard Dornu Nartey wɔwoo wɔ Ebɔbira 26, 1949. Ɔyɛ Ghana ɔmanyɛnyi na mbrahyɛbaguanyi ma mbrahyɛbagya a odzi kan na dza ɔtɔ do ebien wɔ aban a ɔtɔ do anan mu wɔ Ghana. Ogyinaa maa Shama a ɔwɔ Anee Mantɔw mu wɔ Ghana.

Abraba ahyɛase na nwomasua

Wɔwoo Nartey wɔ afe 1949 mu wɔ Shama a ɔwɔ Ghana. Okosuaa adze wɔ Ghana Suapɔn mu na onyaa abodzin krataa wɔ Borɔfo kasa, Russia kasa na linguitsics mu, ɔsan kɔr Ghana Institute of Management and Public Administration na onyaa postgraduate diploma wɔ public administration mu.

Amanyɛsɛm

Wodzii kan toow amba maa Nartey dɛ mbrahyɛbaguanyi wɔ afe 1992 Ghana ambatow kɛse no mu. Nna ɔyɛ mbrahyɛbaguanyi ma mbrahyɛbagua a odzi kan wɔ aban a ɔtɔ do anan mu wɔ Ghana. Afe 1979 mu no, nna Ernest Nii Tachie-Otoo a ɔwɔ Action Congress Party (ACP) na ogyina aban mu ma Shama ambatow mpasua. Afe 1992 mu no, amanyɛkuw ahorow bi anngye ambatow kɛse no anntom, iyi maa National Democratic Congress kuwmba no bɔdɔɔ so wɔ mbrahyɛbaguafie. Afe 1996 Ghana ambatow kɛse no mu no, onyaa amba 12, 756 a egyina hɔ ma 39.70% fii amba dodow a wɔtoow no mu. Ɔdze dzii n'akansifo no do nkonyim. Ernest Nii Tackie-Otoo a ɔwɔ Convention Peoples Party nyaa amba 6,648 a egyina hɔ ma 20.70%, Angelina Baiden Amissah a ɔwɔ New Patriotic Party nyaa amba 5,934 a egyina hɔ ma18.50% na Paul Kingsley Awotwi a ɔwɔ Peoples National Convention nyaa amba 527 a egyina hɔ ma 1.60%. Ɔno na nna ɔyɛ ɔdodowfo no hɔn panyin wɔ mbrahyɛbagua a odzi kan wɔ aban ɔtɔ do anan mu wɔ Ghana. Odzii nkogu wɔ afe 2000 Ghana ambatow kɛse no mu ma Angelina Baiden a ɔwɔ New Patriotic Party bɛhyɛɛ n'ananmu.

Afe 1997 mu no, ɔtoo nsa frɛɛ mpanyimfo a wɔwɔ kabi-ma-menka nhyehyɛɛ mu dɛ wɔnyɛ kor nhwɛ mbrɛ wɔbɛma ɔman no mpontu akɔ nkan. Ɔkasaa wɔ dwumadzi a nna National Commission for Civic Education (NCCE) ahyehyɛ a n'asɛmti nye "Yɛdze kabi-ma-menka nhyehyɛ ridzi dwuma- Nsɛm a ɔrokɔ do wɔ Sekondi no ase.

Edwuma

Ɔyɛ mbrahyɛbaguanyi dada ma Shama ambatow mpasua wɔ Sanda 7, 1993 kesi Sanda 7, 2001, Ɔsoafo abadziekyir a ɔhwɛ nsaase na nkwae do. Ɔsan yɛ edwumakwankyerɛfo.

N'abrabɔ mu nsɛm

Nartey awar awo mba esuon.