Peter Sarkodie

Peter Abum Sarkodie yɛ Ghana amanyɛnyi wɔ kwasaman Ghana mu. Nna ɔyɛ mbrahyɛbaguanyi ma Mampong ambatow mpasua a ɔwɔ Esuantse Mantɔw mu wɔ Ghana wɔ mbrahyɛbagua a ɔtɔ do anan mu wɔ kwasaman a ɔtɔ do anan wɔ Ghana. Ɔyɛ New Patriotic Party kuwba.

Abrabɔ ahyɛse na nwomasua

Wɔwoo Sarkodie wɔ Mumu 12, 1961 mu. Oweii skuul wɔ University of Cape Coast (UCC). Okitsa abodzin krataa (Bachelor of Science) wɔ nwomasua mu fi suapɔn hɔ.

Edwuma

Sarkodie yɛ Kyerɛkyerɛnyi.

Amanyɛsɛm edwuma

Sarkodie yɛ New Patriotic Party kuwba. Ɔbɛyɛɛ mbrahyɛbaguanyi fi Sanda 2005 ber a odzii nkonyim wɔ Mumu 2004 Ghana ambatow kɛse mu no. Woyii no dɛ mbrahyɛbaguanyi ma Mampong ambatow mpasua wɔ mbrahyɛbagua a ɔtɔ do anan mu wɔ kwasaman a ɔtɔ do anan wɔ Ghana.

Ambatow

Wodzii kan paaw Sarkodie dɛ mbrahyɛbaguanyi ma Mampong ambatow mpasua a ɔwɔ Esuantse Mantɔw wɔ Ghana wɔ afe 2004 Ghana ambatow kɛse no mu. Odzii nkonyim dze nam New Patriotic Party do. Mbrahyɛbagua ngua eduasa akron a nna ɔwɔ Esuantse Mantɔw mu no, n'ambatow mpasua no ka no mu eduasa esia a New Patriotic Party dzii do nkonyim wɔ dɛm ambatow no mu. New Patriotic Party nyaa mbrahyɛbagua ngua ɔhaeduonu awɔtwe fir ngua ahaebien na eduasa mu dɛ hɔn a hɔn ho dɔɔ so. Onyaa mba 28,997 fir mba dodow a wɔtowee 36,648 mu. Iyi nye 79.1% fi mba dodow a wɔtowee mu yɛ pɛr. Odzii Mohammed Issahaku a ɔwɔ Peoples’ National Convention, Daniel Ohyeamang Appau a ɔwɔ National Democratic Congress, Kwaku Duah Agyemang a ɔwɔ Convention People's Party na Bashir Kassim a ɔwɔ Democratic People's Party hɔn do nkonyim. Sɛ wɔhyehyɛ no pɛpɛɛpɛ a wɔnyaa mba 226, 6,921, 374 na 130 fir mba dodow a wɔtowee no mu. Iyi gyina hɔ ma 0.6%, 18.9%, 1.0% na 0.4%.

Asetsena mu nsɛm

Sarkodie yɛ Christiannyi.