Paul Okoh

human
Bɔbea	male
Ɔman a ofir do	Ghana
Dzin a wɔdze ama no	Paul
Da a wɔwoo no	22 Kwakwar 1949
Bea a wɔwoo no	Kenyasi
Languages spoken, written or signed	English
N'edwuma	politician, teacher
Dzibew	Member of the 5th Parliament of the 4th Republic of Ghana, Member of the 4th Parliament of the 4th Republic of Ghana, Member of the 3rd Parliament of the 4th Republic of Ghana
Educated at	University of Cape Coast, University of Cape Coast
Member of political party	New Patriotic Party
Religion or worldview	Christianity

Paul Okoh yɛ Ghana diplomat na New Patriotic Party amanyɛkuw ba. Seseiara ɔyɛ Ghana "ambassador" wɔ Egypt.

Ɔbra ahyɛse na nwomasua

Wɔwoo Okoh wɔ Kwakwar 22, 1949 mu. Ofi Kenyasi No.1 wɔ Brɔn na Ahafo mantɔw mu wɔ Ghana. Onyaa ne 'Diploma' wɔ Nwomasua(Diploma in Education) na ' Bachelor of Arts Mantɔw mu wɔ Ogua Suapɔn (University of Cape Coast).

Edwuma

Okoh yɛ Ndwomanyimnyi( Educationist). Nna ɔyɛ ɔkwankyerɛfo boafo (assistant director) na Kyerɛkyerɛnyi Panyin boafo(Assistant Headmaster) dze ma Dompoase Nsɔwdo Skuul a ɔwɔ Dompoase Adansi.

Ɔnanmusifo edwuma

Wɔ Ɔbɛsɛ 2017 mu no, Ɔmanpanyin Nana Akuffo-Addo bɔɔ Paul Okoh dzin dɛ Ghana ananmusinyi wɔ Egypt. Na ɔka Ghanafo a wɔda nsew wɔ eduonu ebien fofor a wɔbɔɔ hɔn dzin dɛ wondzii Ghana asɛmpatrɛw edwuma ahorow enyim wɔ wiase.

Amanyɛsɛm

Okoh yɛ New Patriotic Party amanyɛkuw nyi. Nna ɔyɛ mbrahyɛbaguanyi dze ma Asutifi North abatow mpasua do wɔ Brɔn na Ahafo mantɔw mu wɔ Ghana. Wɔ mbrahyɛbagua fie a ɔtɔ do ebiasa, anan na enum mu wɔ 4th Republic mu wɔ Ghana.

2000 Abatow

Wɔ afe 2000 mu no, Okoh dzii nkonyim wɔ Ghana amansan abatow mu dɛ mbrahyɛbaguanyi dze ma Asutifi North abatow mpasua a ɔwɔ Brɔn na Ahafo Mantɔw mu wɔ Ghana. Odzii nkonyim New Patriotic Party amanyɛkuw dzin mu na ɔnam do gyinae maa ASutifi North abatow mpasua wɔ mbrahyɛbagua fie a ɔtɔ do ebiasa wɔ 4th Republic mu wɔ Ghana. Na Okoh n'abatow mpasua no ka mbrahyɛbagua ngua 14 e fa wɔ ngua 21 a New Patriotic Party nyaa wɔ Brɔn na Ahafo Mantɔw mu. New Patriotic Party no nyaa dɔm dodow a ɔyɛ ngua ɔha(100) wɔ ngua ahaebien(200) wɔ mbrahyɛbagua fie ɔtɔ do ebiasa wɔ 4th Republic wɔ Ghana. Wɔdze aba 7682 na wɔdze paw Okoh wɔ aba dodow a wɔtoo a ɔyɛ 15,978 mu. Iyi yɛ ɔha nkyɛm 49.1% aba dodow mu. Wɔpaw no gyaa Baah Danquah Emmanuel a ɔyɛ National Democratic Congress amanyɛkuw nyi, Georges Nsiah-Afriyie a ɔyɛ ankorankor amanyɛkuw(independent candidate), Norbert Anane-Nyarko a ɔyɛ Convention People's Party amanyɛkuw nyi na Darkwa Anthony a ɔyɛ National Reform Party. Iyinom nyaa 6,895, 906, 147 na 0 pɛpɛɛpɛ wɔ aba a wɔtoo mu. A ogyina hɔ ma ɔha nkyɛm 44.1%, 5.8%, 0.9% na 0% wɔ aba dodow no mu.

2004 Abatow

Wɔ 2004 Ghana amansan abatow mu no, wɔpaw Okoh mpɛn ebien dɛ mbrahyɛbaguanyi dze ma Asutifi North abatow mpasua no. Odzii nkonyim wɔ New Patriotic Party amanyɛkuw dzin mu. Okoh n'abatow mpasua no ka mbrahyɛbagua ngua du-anan(14) a New Patriotic Party nya wɔ ngua dodow a ɔyɛ eduonu anan(24) wɔ Brɔn na Ahafo Mantɔw mu. New Patriotic Party no nyaa dɔm dodow ngua a ɔyɛ 128 wɔ 230 mu wɔ mbrahyɛbagua mu wɔ dɛm abatow no mu. Onyaa aba 9,741 wɔ 18,226 mu, iyi gyina hɔ ma ɔha nkyɛmu 53.40% wɔ aba dodow a wɔtoo mu. Wɔpaw no gyaa Samuel Nana Asamoah a ɔyɛ Convention People's Party na Eric Addae a ɔyɛ National Democratic Congress amanyɛkuw nyi. Iyinom nyaa mba 1.00% na 45.60% pɛpɛɛpɛ wɔ aba a wɔtoe mu.

2008 Abatow

Wɔ 2008 Ghana amansan abatow mu no, Okoh aba 10,028 wɔ aba dodow a ɔyɛ 20,917 mu a na ogyina hɔ ma ɔha nkyɛm 47.9% wɔ aba wɔtoo mu. Wɔpaw no gyae Eric Addae a ɔyɛ National Democratic Congress amanyɛkuw nyi, Emmanuel Osei Kofi a ɔyɛ Democratic Freedom Party amanyɛkuw nyi, Yaa Durowaa a ɔyɛ Democratic People's Party amanyɛkuw nyi, Badu Augustine a ɔyɛ Convention People's Party na Patrick Kennus Boakye a ɔyɛ ankorankor amanyɛkuw nyi(independent candidate). Iyinom nyaa 41.60%, 0.57%, 0.21%5, 0.64%, na 9.05% pɛpɛɛpɛ wɔ 2008 Ghana amansan aba a wɔtoo no mu.

N'abrabɔ

Okoh awar wɔ mba akron. Ɔyɛ Kristonyi a ɔsom wɔ Catholic asɔr.