Moses Asaga
| Bɔbea | male  |
|---|---|
| Ɔman a ofir do | Ghana |
| Da a wɔwoo no | 1 Ayɛwoho 1957 |
| Languages spoken, written or signed | English |
| N'edwuma | politician, banker, economist |
| Dzibew | Member of the 5th Parliament of the 4th Republic of Ghana, Member of the 4th Parliament of the 4th Republic of Ghana, Member of the 3rd Parliament of the 4th Republic of Ghana, Member of the 2nd Parliament of the 4th Republic of Ghana |
| Educated at | University of Aberdeen, Yonsei University, Ghana Senior High School |
| Member of political party | National Democratic Congress |
| Religion or worldview | Eastern Orthodoxy |
Moses Aduku Asaga yɛ Ghana amanyɛnyi. Ɔyɛ mbrahyɛbaguanyi ma Nabdam wɔ Upper East Region of Ghana fir afe 1997 kɔsi afe 2013. Ɔhweree atenaeɛ no wɔ Mumu 2012 abatow no mu maa Boniface Agambilla a ɔfirNew Patriotic Party (NPP) a wagyina nye ho wɔ 2008 abatow nanso ɔdzii nkoguo. Na ɔsan nso yɛ Ɔsoafo a ɔhwɛ Edwumayɛ na Asetsena mu Yiedzi do wɔ Ghana. Wɔpaw no wɔ afe 2012 mfiase wɔ Ɔmanpanyin Mills nsakrae a ɔyɛe wɔ aban mpanyimfo kuw no mu ekyi.
Na wɔapaw Moses Asaga dɛ ɔnyɛ ɔsomfo dzibea wɔ afe 2009 mu nanso wɔtwee nye ho wɔ ekyingye bi a ɔfa ex-gratia abasobɔdze bi a ɔmaa ho kwan no ekyi. John Dramani Mahama dii nkonim wɔ afe 2012 Amansan Abatow no mu ekyi no, ɔdze Nii Armah Ashietey sii Moses Asaga ananmu dɛ Edwumayɛ na Asetena mu Yiyedzi ho Ɔsoafo. Afei kan Ɔmampanyin John Dramani Mahama maa no dzibea dɛ C.E.O wɔ Ɔman Petroleum Authority wɔ afe 2013 mu.
Ɔbra Ahyɛse Na Nwomasua
[sesa mu | sesa ekyirsɛm]Moses Asaga wɔ BSc wɔ Industrial Chemistry mu wɔ Kwame Nkrumah Suapɔn a ɔhwɛ Nyansahu na Mfiridwuma do (KNUST). Ɔsan nso wɔ MSc wɔ Petroleum Engineering mu wɔ Aberdeen Sukuupɔn mu na MBA, Sikasɛm wɔ Yonsei Sukuupɔn mu. Dzea ɔka ho no ɔwɔ MPhil wɔ Sikasɛm mu wɔ Durham Suapɔn a ɔwɔ United Kingdom.
Edwuma
[sesa mu | sesa ekyirsɛm]Asaga yɛ sikasɛm ho ɔbenfo na sikakorabea dwumayɛnyi. Ɔno na ɔyɛ Ghana Ɔman Petroleum Corporation (GNPC) a ɔwɔ Tema no sohwɛfo na edwuma no ho sikasɛm ho ɔbenfo.
Amanyɛsɛm Dwumadzi Ahorow
[sesa mu | sesa ekyirsɛm]Wɔdzii kan paw Asaga dɛ ɔnkɔ mbrahyɛbagua no mu wɔ National Democratic Congress no tekiti do a abatow a ɔgyina hɔ ma abatow 8,490 wɔ abatow 11,348 a ɔfata a wɔtowee no mu a ɔgyina hɔ ma 56.30% kyɛn Nicholas Nayembil Nonlant a onyaa mba 2,107 a ɔgyina hɔ ma 14.00% na Edward Babah Sampanah a onyaa mba 750 a ɔgyina hɔ ma 5.00 %.
Wɔpaw no dɛ mbrahyɛbaguanyi maa Nabdam mantɔw a ɔwɔ Ghana Epuei Fam Mantɔw no mu wɔ afe 2004 Ghana amansan abatow no mu. Ɔdzii nkonyim wɔ National Democratic Congress no tekiti do. Na nye mansin no yɛ mbrahyɛbagua nkongua akron (9) a ɔwɔ nkongua duebaasa (13) a National Democratic Congress dzii nkonyim wɔ saa abatow no mu maa Sor Epuei Fam Mantɔw no (Upper East Region) no fa. National Democratic Congress no nyaa nyimpa kakraa bi a hɔn nyinara yɛ mbrahyɛbagua nkongua eduakron anan (94) wɔ nkongua ahanu edubaasa (230) mu. Wɔdze abatow 6,450 paw no wɔ abatow 10,778 a ɔdzi mu nyinara mu.
Na eyi nye abatow a ɔfata a wɔtowee nyinara mu 59.8% yɛ pɛ. Wɔpaw no kyɛn Somtim Tobiga a ofi Peoples’ National Convention, Boniface Gambila Adagbila a ofiNew Patriotic Party na Tampure Ayenyeta William a ofi Convention People’s Party no do. Eyinom nyaa abatow 1,002, 3,227 na 99 wɔ abatow a wɔtowee nyinara mu. Eyinom nye 9.3%, 29.9% na 0.9% yɛ pɛ wɔ abatow a ɔfata a wɔtowee nyinara mu.
Wɔ afe 2008 mu no, odzii nkonyim wɔ amansan abatow no mu wɔ National Democratic Congress tekiti do maa ɔmansin koro no ara. Na nye mansin no yɛ mbrahyɛbagua nkongua awɔtwe (8) a ɔwɔ nkongua duebaasa (13) a National Democratic Congress dzii nkonyim wɔ saa abatow no mu maa Sor Epuei Fam Mantɔw no (Upper East Region) no fa. National Democratic Congress no nyaa nyimpa kakraa bi a hɔn dodow yɛ mbrahyɛbagua nkongua 114 wɔ nkongua 230 mu.
Wɔdze abatow 5,369 paw no wɔ abatow 11,230 a ɔdzi mu nyinara mu. Eyi nye abatow a ɔfata a wɔtowee nyinara mu 47.81% yɛ pɛ. Wɔpaw no dɛ Boniface Agambila Adagbila a ofi Ɔman Ho Dɔ Kuw Fofor no mu, Somtim Tobiga a ofi Ɔmanfo Ɔman Nhyiam no mu na Tampugre Ayenyeta William a ofi Nhyiam Nyimpa Kuw no mu. Eyinom nyaa 45.39%, 6.37% na 0.44% wɔ abatow a wɔtowee nyinara mu.
N'abrabɔ
[sesa mu | sesa ekyirsɛm]Moses Asaga yɛ Kristonyi na Katoleknyi (Catholic).