Kofi Attor

Kofi Attor (wɔwoo no wɔ afe 1954 mu wɔ bosoom Mumu wɔ ne da a ɔtɔ do ebiasa) yɛ Ghana amanyɛnyi na Mbrahyɛbaguanyi wɔ mbrahyɛbagua a otsia ebien na ebiasa wɔ 4th Republic mu wɔ Ghana a ogyinaa hɔ maa Ho finimfin mpasua wɔ Firaw Mantɔw mu. . Dza ɔwɔ mu:

Nwomasua

Kofi Attor kɔr skuul wɔ Institute of Social Studies na onyaa ne mpanyindzi abawdobɔdze wɔ art na M.A. wɔ development studies. Ɔsanee kɔr esuapɔn wɔ Hague a ɔwɔ Netherlands na University of Ghana na onyaa ne Bachelor's degree na B.A in Political Science.

N'edwuma

Nna ɔyɛ obi a ɔhwɛ edwumakuw bi no ntotoe, ɔsɛndzifo na afei Ghana Investment Fund for Electronic Communications (GIFEC) no, nna ɔyɛ hɔn banodzinyi san yɛ amanyɛnyi wɔ 4th Republic no mu.

Amanyɛsɛm ndwuma

Nna Attor yɛ National Democratic Congress kuwba. Woyii no kɔr aban a odzi kan mu wɔ 4th Republic wɔ ɔman Ghana mu wɔ afe 1993 mu no bosoom a ɔtɔ do duebien wɔ ne da a otsia eduonu-akron wɔ ber a wɔdze konyim abɔtsir no bɔɔ no wɔ afe 1992 Ghana mbrahyɛbagua abatow no mu a ɔkɔr do wɔ afe 1992 mu bosoom a odzi ewiei ne da a otsia eduonu-akron mu.

Woyii no dɛ mbrahyɛbaguanyi maa Ho Mansin mu wɔ aban a otsia ebiasa wɔ 4th Republic mu.

Abatow

Ber a 1996 abatow no rokɔ do no, odwuuw amba no dodow araa yie; onyaa amba 49,999 fii amba 58,282 no mu a nna ogyina hɔ ma 74.10% dze twaa hɔn a nna wɔnye no risi akan no nyinara tse dɛ Geoffery Quarshie Dzormeku a onyaa amba 2,914, John N. K. Akorli a onyaa amba 1,342, Alex Kyere Odike a onyaa amba 634 na Salome Ofori-Owusu a no so nyaa amba 393 no.

Attor bɛyɛɛ mbrahyɛbaguanyi maa Ho Mansin mu wɔ afe 2000 mu wɔ Ghana abatow no mu. Odzii konyim wɔ abatow no mu. Nna ne mpasuar a ɔda ano no ka ngua dodow a nna ɔwɔ mbrahyɛbaguafie no ho. Mbrahyɛbaguafie ngua no yɛ duakron na dza no Kofi Attor ne mansin no ka ho kantann ngua duesuon do wɔ abatow a ɔkɔr do wɔ Firaw Mantɔw mu a National Democratic Congress kuw no fae no ho.

National Democratic Congress kuw no faa dɔm a nna wɔnndɔɔso wɔ mbrahyɛbaguafie ngua no mu eduokron-ebien dze fii ngua ahaebien no mu wɔ mbrahyɛbagua a otsia ebiasa wɔ 4th Republic wɔ Ghana. Wɔdze abɔtsir no maa no wɔ ber a okeer amba 37,131 no nyinara. Dɛm amba yi gyina hɔ ma 83.30% wɔ aba no nyinara mu.

Woyii no gyaa John N.K Akorli a ɔyɛ New Patriotic kuwba, Eli Kotoku Eliikem a ɔka Convention People's Party kuw no ho, Cousin Doamekpor a ɔka National Reform Party kuw no ho, Mathias Sinbad Adom a no so wɔ United Ghana Movement, Alfa Anas Hamidu a ɔwɔ Peoples National Convention Party na Stephen B. Ashun a no nkotsee gyina noho do. Dɛm etsiafo yi nyaa amba 3,812, 2,228, 1, 043, 238, 110 na 0 dɛ mbrɛ m'ahyehyɛ hɔn dzin no. Dɛm amba yi a wonyaa no gyina hɔ ma 8.60%, 5.00%, 2.30%, 0.50%, 0.20% na 0.00% wɔ amba no nyinara mu.

N'abrabɔ

Attor yɛ okristonyi.

Nhwɛdo

Ghana Parliamentary Register 1993–1996. Ghana: The Office of Parliament. p. 99. "Use ICT to transform lives of children". Graphic Online. Retrieved 7 September 2020. Ghana Parliamentary Register 1992–1996. Ghana Publishing Corporation. 1