George Kofi Nfodjoh

George Kofi Nfodjoh yɛ Ghana amanyɛnyi a ɔsomee dɛ mbrahyɛbaguanyi wɔ mbrahyɛbagua a ɔtɔ do anan mu wɔ Ghana Republic a ɔtɔ do anan mu. Ogyinaa maa National Democratic Congress ma Ho Central ambatow mpasua.

Abrabɔ ahyɛse na nwomasua

Wɔwoo no wɔ Fankwa 21, 1946 mu. Wɔtsetsee no wɔ Sokode-Bagble, kurow a ɔwɔ Firaw Mantɔw wɔ Ghana. Ɔkɛgyee n'abodzin krataa (PGL) wɔ nkitahodzi adzesua mu (communication studies) wɔ University of Ghana wɔ afe 1986 mu.

Edwuma

Ɔyɛ nsɛnkyerɛwnyi na dawurbɔfo. Ɔnye AGC edwumakuw a ɔwɔ Obuase no yɛɛ edwuma fitsi afe 1987 kesi afe 1997 mu. Nna ɔyɛ Mansin Krakye Panyin wɔ Ho Mansin mu fitsi afe 1997 kesi afe 2001 mu. Nna ɔyɛ safohen na ɔnye Aban Nkitahodzi Nkyekyɛmu a ɔwɔ Ghana nsɔrdaafo mu no no yɛɛ edwuma

Amanyɛsɛm

Ɔyɛ National Democratic Congress kuwba. Nna ɔyɛ mbrahyɛbaguanyi ma Ho Central ambatow mpasua a ɔwɔ Firaw Mantɔw mu wɔ Ghana. Wɔpaaw no dɛ obi a origyina ama National Democratic Congress mbrahyɛbagua no wɔ Fida afe 2004 wɔ Ho Central ambatow mpasua.

Onyaa mba dodow 49,463 a ɔyɛ ɔha mu nkyɛmu 84.80% dze dzii ne akansifo Seth Dickie Kpodo a onyaa mba 4,668, Dede Kwesi Levi Michael a onyaa mba 3,593, Asare Roberta a onyaa mba 275 na Tay Prosper a onyaa mba 302.

Asetsena mu nsɛm

Ɔawar. Ɔyɛ Christiannyi na asɔrba wɔ Catholic Asɔr.