Justice Joe Appiah
Justice Joe Appiah (wɔwoo no wɔ Mumu 21, 1959 mu) yɛ Ghana amanyɛnyi. Ɔyɛ nkan no mbrahyɛbaguanyi ma Ablekuma North ambatow mpasua a ɔwɔ Nkran Kuropɔn Mantɔw mu wɔ Ghana wɔ mbrahyɛbagua a ɔtɔ do esia wɔ Ghana Republic a ɔtɔ do anan mu dze namNew Patriotic Party do.
Asetsena mu nsɛm
[sesa mu | sesa ekyirsɛm]Appiah yɛ Christiannyi a ɔsom wɔ Assemblies of God Asɔr. Ɔawar awo mba beenum.
Abrabɔ ahyɛse nwomasua
[sesa mu | sesa ekyirsɛm]Wɔwoo Appiah wɔ Mumu 21, 1959. Wɔtsetsee no wɔ Akim Oda, kurow bi a ɔwɔ Epuei Mantɔw mu wɔ Ghana. Onyaa abodzin krataa wɔ Kɔmputa do mfirdwuma mu (Diploma in Network Engineering) wɔ Net Africa Ghana wɔ afe 2007 mu. Ɔsanee wiee skuul wɔ Ghana Institute of Management and Public Administration na ɔgyee abodzin krataa wɔ Ɔhwɛdofo na Nhyehyɛɛ mu (Administration and Management ) wɔ afe 2008 mu.
Amanyɛ
[sesa mu | sesa ekyirsɛm]Appiah yɛNew Patriotic Party (NPP) kuwba. Ɔbɛyɛɛ mbrahyɛbaguanyi wɔ mbrahyɛbagua a ɔtɔ do enum wɔ Ghana ber a odzii nkonyim wɔ afe 2008 Ghana ambatow kɛse no mu wɔ n'ambatow mpasua mu. Afe 2012 mu no, ogyinaa bio maa Ablekuma North mbrahyɛbagua dze namNew Patriotic Party do wɔ mbrahyɛbagua a ɔtɔ do esia wɔ Ghana republic a ɔtɔ do anan mu ma odzii nkonyim. Afe 2015 mbrahyɛbagua ambatow a amanyɛkuw no tow no, odzii nkogu ma Onyimyamfo Nana Akua Owusu Afriyie a ɔbɛyɛɛ mbrahyɛbaguanyi ma Ablekuma North (2017-2021) bɛhyɛɛ n'ananmu.