John Gyetuah
John Gyetuah yɛ nkan no Ghana amanyɛnyi a ɔsoom dɛ mbrahyɛbaguanyi ma Amenfi West ambatow mpasua a ɔwɔ Atɔe Mantɔw mu wɔ Ghana.
Abrabɔ ahyɛse na nwomasua
[sesa mu | sesa ekyirsɛm]Wɔwoo John wɔ Ɔbɛsɛ 1, 1959 mu wɔ Asankran Breman a ɔwɔ Atɔe Mantɔw mu wɔ Ghana. Onyaa abodzin krataa (BA in Sociology) wɔ University of Cape Coast wɔ afe 2004 mu. Ɔkɔtoaa do nyaa EMGL wɔ GIMPA wɔ afe 2008 mu.
Edwuma
[sesa mu | sesa ekyirsɛm]Nna ɔyɛ nwomasua ho ɔbemfo na Panyin wɔ Ghana Education Service.
Amanyɛ
[sesa mu | sesa ekyirsɛm]Nna ɔyɛ National Democratic Congress kuwba. Nna ɔyɛ mbrahyɛbaguanyi ma Amenfi West ambatow mpasua wɔ mbrahyɛbagua a ɔtɔ do enum mu wɔ Ghana republic a ɔtɔ do anan mu. Wɔdze mba 18,383 fir mba dodow 31,858 a egyina hɔ ma 57.7% paaw no wɔ afe 2008 Ghana ambatow kɛse no mu. Odzii nkonyim tsiaa Agnes Sonful a ɔwɔNew Patriotic Party na Anthony Kwame Annimil a ɔwɔ Convention People's Party. Wɔhyehyɛ no pɛpɛɛpɛ a wonyaa mba 41.03% na 1.27% fir mba dodow a wɔtowee no mu. Afe 2010 mu no nna ɔyɛ Ɔman Soafo wɔ Atta Mills aban mu. Nna ɔyɛ kuwba wɔ beesuomfo a wɔhwɛ Ndzɛmba Mfaso na Akwan na Akwantu do. Nna ɔyɛ nkan no ɔsoafo abadziekyir a ɔhwɛ Eguadzi na Ndwumakuw do na ekyir yi ɔbɛyɛɛ Ɔman soafo ma Mampanyin wɔ Mampanyin Atta Mills aber do.
Asetsena mu nsɛm
[sesa mu | sesa ekyirsɛm]Ɔwaar Veronica Gyetuah na wonyaa mba beesuon. Nna ɔyɛ Christiannyi na asɔrba wɔ Methodist Asɔr.
Owu
[sesa mu | sesa ekyirsɛm]Owui wɔ Ɔbɛsɛ 13, 2015 ber ɔdaho ara yɛ mbrahyɛbaguanyi ma Amenfi West ambatow mpasua wɔ mbrahyɛbagua a ɔtɔ do esia wɔ Ghana republic a ɔtɔ do anan mu.