Gladys Asmah

Hon. Gladys Asmah
Member of the Ghana Parliament for Takoradi
In office 7 January 1997 – 6 January 2009
Preceded by	Tabitha Sybil Quaye
Succeeded by	Kwabena Okyere Darko-Mensah
Minister for Fisheries
In office 2005–2009
President	John Kufuor
Minister for Women and Children's Affairs
In office 2001–2005
President	John Kufuor
Personal details
Born	(1939-10-16)16 October 1939 Cape Coast, Ghana
Died	24 June 2014(2014-06-24) (aged 74) Accra, Ghana
Political party	New Patriotic Party
Occupation	Entrepreneur

Gladys Asmah (Ɔbɛsɛ 16, 1939 - Obiradzi 24 ,2014) yɛ Ghana amanyɛnyi na edwumawura. Nna ɔyɛ nkan no soafo a ɔhwɛ apoyɛ nsɛm do na ɔsan yɛ Mbrahyɛbaguamunyi ma Takoradi mansin no. Nna ɔsan so yɛ nkan no Soafo a ɔhwɛ Mbaa Nkitahodzi do wɔ nkan no Mampanyin Kufuor n'aban mu.

Abrabɔ ahyɛse na nwomahu

Gladys Asmah (wɔwoo no Ɔbɛsɛ 16,1939) wɔ Cape Coast, wɔ Finimfin Mantɔw mu. Ɔkɔr no mbofra skuul wɔ Wesley Girls High School na ɔtoaa do kɔr Ghana National College, a skuul ebien no nyina wɔ Cape Coast.

Ɔnye Ghana Railway Corporation yɛɛ edwuma na nna ɔtaa yɛ hwɛdofo wɔ Laboratory and Quality Control Department of the Pioneer Tobacco Company (PTC), maa onyaa mfe esia.

Owurayer Asmah fii Ghana wɔ bosoom Obiradzi mu wɔ afe 1963 mu dɛ ɔrokɔtoa n'adzesua do wɔ United Kingdom. Ɔkɔr Middlesex University, a nna wɔfrɛ no Hendon College of Technology, na Leeds College of Education na Home Economics na wɔgyee no too mu dɛ ɔmbɛyɛ kuwba wɔ Institutional Management Association wɔ London.

Edwumawura

Owiee n'edwumasua no, ɔyɛɛ edwuma wɔ British Council dɛ ɔhwɛdofo abadziekyirnyi wɔ Overseas' Students Centre, Portland Palace, London. Ber a nna ɔyɛ osuanyi wɔ London no, ɔyɛɛ n'adwen dɛ ɔdze atar ne mpamee besi n'enyi do na ɔdze no ho ahyɛ ahosiesie edwumakuw mu. Owurayer Asmah boaa mfir ahorow ano na ɔhyɛɛ ase dɛ ɔdze repam ntar a wɔdze da na ntar nkakramba a wɔhyɛ no wɔ atar do wɔ Birmingham.

Ekiyir no, ɔbɛtsenaa Ghana, na obobuee edwuma dɛ ɔnye nkorɔfo bɛyɛ edwuma, na ekyir wɔ afe 1975 mu no, ɔdze edwuma no a obueei no bɛyɛɛ edwuma a nna asodzi da no do dɛ obegyina apɛ mbasiafo hɔn faahodzi ama hɔn. Owurayer Asmah foaa Tarkwa women Generating income (TWIGA) do dɛ wobenya mboa wɔ sika afa mu dze ayɛ ngo kɔkɔɔ.

Ber a Social Welfare Department hyɛɛ Women Training institute ase wɔ Takoradi Neighborhood Center dɛ wɔbɛkyerɛ mbasiafo edwuma no, ɔdze adwen bae dɛ ɔayɛ krado dɛ ɔbɛkyerɛ mbasiafo edwuma wɔ hɔ.

Nna Owurayer Asmah nye edwumakuw na kuw ahorow yɛ edwuma; nna ɔyɛ panyin wɔ Management Board, Takoradi Women Training Institute; nna ɔka edwumamu mpanyimfo ho wɔ Ahantaman Rural Bank; nna ɔyɛ panyin n'abedziekyir a ɔtɔ do ebien wɔ Association of Ghana Industries; na panyin wɔ Regional Implementation Committee, Women in Development.

Nna ɔyɛ kuwba wɔ edwuma nkaa mu wɔ Fijai Secondary School, Ghana National College, Western Regional Consultative Council na Sector Committee mu panyin wɔ Women Affairs Committee, New Patriotic Party (NPP). Nna Mbrahyɛbaguanyi a ɔda Takoradze ano no akɔ dwumadzi ahorow ase wɔ amanandze. Nna dwumadze tse dɛ dwumadzi a ɔfa New Trends in Textile and Garment Industry, North Carolina State University in 1994, Aid to Artisans, Hartford, Connecticut, U.S.A. na dwumadzi a ɔfa Export Financing, USAID Entrepreneurs International Conference for Women entrepreneurs a ɔkɔr do wɔ New Delhi, India wɔ afe 1981 mu ka dwumadzi a ɔkɔree ho.

Amanyɛsɛm

Nna ɔyɛ kuwba wɔ New Patriotic Party.Ɔbɛyɛɛ mbrahyɛbaguanyi maa Takoradze fii Sanda bosoom ne da a ɔtɔ do 7 wɔ afe 1997, ɔbɛyɛɛ Minister of Women and Children Affairs wɔ afe 2001 na afe 2005 mu na ɔbɛyɛɛ Minister of Fisheries fii afe 2005 mu kesii afe 2009. Nna Asmah yɛ Mbrahyɛbaguanyi wɔ dza ɔtɔ do ebien, dza ɔtɔ do ebiasa, dza ɔtɔ do anan na dza ɔtɔ do enum wɔ 4th Republic of Ghana mu.

Afe 1996 Ghana abatow bwe mu no, onyaa aba 25,579 fii aba dodow 38,036 mu a nna ogyina hɔ ma 56.80% dze dzii hɔn a ɔnye hɔn sii akan a wɔyɛ Esther Nkansah a ɔyɛ kuwba wɔ NDC a onyaa aba 10,342, Alex Fosu Blankson a onyaa aba 1,323 na Timothy Norbert Kublenu a no so nyaa aba 792 hɔn do nkunyim.

Onyaa aba 26,431 fii aba dodow 35,949 mu a nna ogyina hɔ ma 73.50% dze dzii hɔn a ɔnye hɔn sii akan a wɔyɛ Crosby Mochia a ɔyɛ kuwba wɔ NDC a onyaa aba 6,853 a nna ogyina hɔ ma 19.10%, Eustace Haizel a ɔyɛ kuwba wɔ CPP a onyaa aba 1,510 a nna ogyina hɔ ma 4.20%, Elizabeth Comfort Baidoo a ɔyɛ kuwba wɔ NRP a onyaa aba 878 a nna ogyina hɔ ma 2.40% na Samuel Ekow Renner a ɔyɛ PNC kuwba a onyaa aba 277 a nna ogyina hɔ ma 0.80% hɔn do nkunyim.

Afe 2004 abatow ber mu no, onyaa aba 25,714 fii aba dodow 36,392 a nna ogyina hɔ ma 66.80% dze dzii hɔn a ɔnye hɔn sii akan a wɔyɛ Esthher Lily Nkansah a ɔyɛ kuwba wɔ NDC a onyaa aba 7,894 a nna ogyina hɔ ma 20.50%, Francis Kobina Eghan a ɔyɛ kuwba nyaa aba 1,048, Eustace Haizel a ɔyɛ kuwba wɔ CPP a onyaa 1,296 a nna ogyina hɔ ma 3.40%, Godwill Abakah a nna ɔyɛ kuwba wɔ IND a onyaa aba 220 a nna ogyina hɔ ma 0.60%, Ivor Tackie Adams a ɔyɛ PNC kuwba a onyaa aba 191 a nna ogyina hɔ ma 0.50% na Johannes Kojo Scheck a ɔyɛ IND kuwba a onyaa aba 62 a nna ogyina hɔ ma 0.20% hɔn do nkunyim.

Owu

Gladys Asmah wui wɔ bosoom Obiradzi ne da a ɔtɔ do 24 wɔ afe 2014 mu, wɔ Korle-Bu Teaching Hospital wɔ Accra wɔ ber a nna wɔagye no atɔ hɔ ma oedzi adapɛn ebien. Wosiee no wɔ Takoradze wɔ ber a wɔyɛɛ n'eyi wɔ bosoom Ɔberɛfɛw ne da a odzi kan wɔ afe 2014 mu ekyir no.