Gifty Klenam
Gifty Klenam yɛ Ghana amanyɛnyi na nkaano mbrahyɛbaguanyi dze ma Lower West Akim wɔ Epuei Mantɔw mu wɔ Ghana wɔ mbrahyɛbagua fie a ɔtɔ do enum wɔ "4th republic" mu wɔ Ghana.
Ahyɛse Bra Na Nwomasua[sesa mu | sesa ekyirsɛm]
Wɔwoo Klenam wɔ Ayɛwoho 12,1970 mu. Ofi Asamankese a ɔwɔ Epuei Mantɔw mu wɔ Ghana. Onyaa n'abɔdzin krataa wɔ "Administration Management" wɔ Ghana Institute of Management and Public Administration 2008.[1]
Edwuma[sesa mu | sesa ekyirsɛm]
Ansaana wɔbɛpaw no ma wayɛ mbrahyɛbaguanyi no, na Gifty Klenam yɛ mfiridwuma ho nyimdzinyi na kuwanyi, na ɔyɛ Edwumayɛfo panyin a ɔda Sunharvest Edwuma a ɔwɔ Pokuase n'ano. Seseiara, guamutsenanyi dze ma Ghana Export Promotion Authority.
Amanyɛsɛm[sesa mu | sesa ekyirsɛm]
Klenam yɛ kuw ba dze maNew Patriotic Party. Wodzii kan paw no dɛ Mbrahyɛbaguanyi wɔ Lower West Akim abatow mpasua do wɔ 2008 Ghana amansan abatow mu na ɔhyɛɛ n'edwuma ase wɔ Sanda 7,2009 mu. Wɔsan so paw no bio wɔ 2012 amansan abatow mu naaso odzii nkogu wɔ amanyɛkuw n'abatow mu ma Eyiah Kyei-Baffour tuu no adze do wɔ 2015 a ɔnam do ma oenntum enngyina wɔ 2016 Ghana amansan abatow mu.
Abatow[sesa mu | sesa ekyirsɛm]
Wɔpaw Klenam wɔ 2008 Ghana amansan abatow mu dɛ Mbrahyɛbagunyi dze ma Lower West Akim abatow mpasua do wɔ mbrahyɛbagua fie a ɔtɔ do enum wɔ 4th Republic mu wɔ Ghana. Wɔpaw no wɔNew Patriotic Party amanyɛkuw dzin mu wɔ ber a onyaa 21,912 wɔ aba dodow a ɔyɛ 36,337 mu, a ɔyɛ ɔha nkyɛmu 60.3% wɔ aba dodow no mu.Wɔpaw no gyae Yahuza Mohammed Awale a ɔyɛ People's National Convention amanyɛkuw nyi,Seth Otchere a ɔyɛ National Democratic Congress amanyɛkuw nyi, Nyadua Kofi Evans a ɔyɛ Democratic People's Party amanyɛkuw nyi, Patrick Kwabena Adjei a ɔyɛ Convention People's Party na Martin Bruce Opare a ɔyɛ ankorankor amanyɛkuw nyi. Iyinom nyaa 1.69%, 35.45%, 0.32% na 2.23% wɔ aba dodow a wɔtoo.
N'abrabɔ[sesa mu | sesa ekyirsɛm]
Klenam awar wɔ mba beenu. Ɔyɛ Kristonyi a ɔsom wɔ International Central Gospel Church. Ɔsan so som wɔ Salvation Gate Chapel.