Gibril Adamu Mohammed

Nna Gibril Adamu Mohammed yɛ Ghana amanyɛnyi wɔ Kwasaman Ghana mu. Nna ɔyɛ mbrahyɛbaguanyi ma Asawase ambatow mpasua a wɔ Esuantse Mantɔw mu wɔ Ghana wɔ mbrahyɛbagua a ɔtɔ do anan mu wɔ Ghana Republic a ɔtɔ do anan mu. Nna ɔyɛ National Democratic Congress kuwba.

Edwuma

Nna Mohammed yɛ ɔyarsafo.

Amanyɛsɛm edwuma

Nna Mohammed yɛ National Democratic Congress kuwba. Ɔbɛyɛɛ mbrahyɛbaguanyi fitsi Sanda 2005 ber wɔdaa no edzi dɛ oedzi nkonyim wɔ afe 2004 Ghana ambatow kɛse mu no. Wɔpaaw no dɛ mbrahyɛbaguanyi ma Asawase ambatow mpasua wɔ mbrahyɛbagua a ɔtɔ do anan mu wɔ Ghana Republic a ɔtɔ do anan mu.

Ambatow

Wodzii kan paaw Mohammed dɛ mbrahyɛbaguanyi wɔ Asawase ambatow mpasua a wɔ Esuantse Mantɔw mu wɔ Ghana wɔ afe 2004 Ghana ambatow kɛse no mu. Odzii nkonyim dɛ National Democratic Congress kuwba. Mbrahyɛbagua ngua eduosa akron a nna ɔwɔ Esuantse Mantɔw mu no, n'ambatow mpasua no ka no mu ebiasa a National Democratic Congress dzii do nkonyim wɔ dɛm ambatow no mu. National Democratic Congress nyaa mbrahyɛbagua ngua eduakron-anan fir ngua ahaebien na eduasa mu dɛ hɔn a hɔn ho suar. Onyaa mba 33,541 fir mba dodow a wɔtowee 67,485 mu a egyina hɔ ma 49.7%. Odzii Thomas Atigah a ɔwɔ People's National Convention, Patricia Appiagyei a ɔwɔNew Patriotic Party, Hassan B. A. Abu-Bong a ɔwɔ Convention People's Party, Adam Diyawu Rahaman a ɔwɔ Democratic People's Party na Abdul Majeed Alhassan a onnyi amanyɛkuw biara mu. Sɛ wɔhyehyɛ no pɛpɛɛpɛ a wonyaa mba 1,598, 29,067, 570, 204 na 2,505 fir mba dodow a wɔtowee no mu. Iyi nye 2.4%, 43.1%, 0.8%, 0.3% na 3.7% yɛ pɛr.

Asetsena mu nsɛm

Nna Mohammed yɛ Kramonyi.

Owu

Mohammed wui wɔ ber tsia bi ekyir a odzii nkonyim dɛ mbrahyɛbaguanyi ma Asawase ambatow mpasua wɔ Kwakwa 15, 2005 mu.