George Boakye (amanyɛni)
George Boakye is yɛ Ghana amanyɛnyi a ɔsomee dɛ mbrahyɛbaguanyi wɔ Asunafo South ambatow mpasua. Seisei ɔyɛ Mantɔw soafo wɔ Brɔn na Ahafo.
Abrabɔ ahyɛse na nwomasua
[sesa mu | sesa ekyirsɛm]Wɔwoo no wɔ Ɔbɛsɛ 6, 1956 mu. Wɔtsetsee no wɔ Sankore, kurow a ɔwɔ Brɔn na Ahafo Mantɔw mu wɔ Ghana. Onyaa n'abodzin krataa (Bachelor of Arts) wɔ Nyimpa mu nkitahodzi mu fir Kwame Nkrumah University of Science and Technology wɔ afe 1992 mu. Ɔtoaa do nyaa abodzin krataa kunyin (Master of Education degree) wɔ Nwomasua Nhyehyɛɛ na Ahwɛfo (Educational Planning and Administration) fir University of Cape Coast wɔ afe 2001.
Edwuma
[sesa mu | sesa ekyirsɛm]Ɔyɛ nwomasua ho ɔbemfo. Ɔyɛɛ edwuma dɛ Skuul Panyin n'abadziekyir wɔ St. Joseph's Ntsetseebea College wɔ Bechem ansaana ɔdze noho rehyɛ amanyɛsɛm.
Amanyɛsɛm
[sesa mu | sesa ekyirsɛm]ƆyɛNew Patriotic Party kuwba. nna ɔyɛ Mansin Krakye Panyin ma Asunafo South Mansin. Ɔbɛyɛɛ mbrahyɛbaguanyi maa Asunafo South ambatow mpasua a ɔwɔ Brɔn na Ahafo Mantɔw mu wɔ Ghana wɔ Sanda 2009 ber a odzii nkonyim wɔ afe 2008 Ghana ambatow kɛse no, ɔdze mba 16,574 fir mba dodow a wɔtowee 32,953 mu dzii nkonyim. Eric Opoku a ɔwɔ NDC bɛhyɛɛ n'ananmu.
Asetsena mu nsɛm
[sesa mu | sesa ekyirsɛm]Ɔawar awo mba baasia. Ɔyɛ Christiannyi na asɔrba wɔ Catholic Asɔr.
Ekyingye
[sesa mu | sesa ekyirsɛm]Ebɔbira 2017 mu no, British Mbatirtofo Kunyin ( British High Commission) a wɔwɔ Ghana dze sobo too Boakye, Johnson Kwaku Adu, Richard Acheampong, na Joseph Benhazin Dahah dɛ wɔdze hɔn aban akwantu tum krataa ama hɔn ebusuafo ma wɔdze etu kwan kɔ UK. Boakye gyee visa maa ɔno na ne babaa na ekyir yi ogyaa no wɔ UK hɔ ma ɔtsenaa hɔ mfe ebiasa ansaana ɔreba Ghana.