Frank Boakye Agyen

Frank Boakye Agyen yɛ Ghana amanyɛnyi na nkan no mbrahyɛbaguanyi ma Effiiduase Asokore ambatow mpasua a ɔwɔ Esuantse Mantɔw mu wɔ Ghana wɔ nbrahyɛbagua a ɔtɔ do enum na esia mu wɔ Ghana republic a ɔtɔ do anan.

Abrabɔ ahyɛse na nwomasua

Wɔwoo no wɔ Sanda 6,1946 mu. Wɔtsetsee no wɔ kurow Effidduase a ɔwɔ Esuantse Mantɔw mu wɔ Ghana. Onyaa n'abodzin krataa (Bachelor of Arts) wɔ Mbra na Amanyɛsɛm mu wɔ University of Ghana wɔ afe 1984 mu. Ɔkɔtoaa do wɔ Ghana School of Law na onyaa abodzin krataa wɔ mbra mu wɔ afe 1989 mu.

Edwuma

Agyen yɛ mbranyimfo. Ɔnye Boakye Agyen edwumakuw no yɛɛ edwuma wɔ Nkran ansaana ɔrehɛn amanyɛsɛm mu. Na ɔyɛ nkan no oguamutsenanyi panyin a ɔda Ghana Cylinder Manufacturing Company ano.

Amanyɛsɛm

Nna Agyen yɛ mbrahyɛbaguanyi wɔ mbrahyɛbagua a ɔtɔ do enum mu wɔ Ghana republic a ɔtɔ do anan mu. Ɔhyɛɛ n'amanyɛ dwuma no ase ber a wɔpaaw no dɛ mbrahyɛbaguanyi maa Effiduase Asokore ambatow mpasua wɔ afe 2008 Ghana ambatow kɛse no mu dze namNew Patriotic Party do, onyaa mba18,859 fir mba dodow a wɔtowee 23,799 mu a egyina hɔ ma 79.24%. Odzii nkonyim tsiaa Kwadwo Adae a ɔwɔ National Democratic Congress, George Asiamah a ɔwɔ Convention People's Party na Lovia Berko a ɔwɔ People's National Convention. Sɛ wɔhyehyɛ no pɛpɛɛpɛ a wonyaa 18.72%, 0.71% na 1.33% fir mba dodow a wɔtowee no mu.

Asetsena mu nsɛm

Ɔyɛ Christiannyi na ɔawar awo mba baanan.