Emmanuel Baah Danquah
Emmanuel Baah Danquah yɛ Ghana amanyɛnyi na mbrahyɛbaguanyi wɔ mbrahyɛbagua a ɔtɔ do ebien wɔ Ghana Republic a ɔtɔ do anan mu ma Asutifi North ambatow mpasua dɛ National Democratic Congress kuwba.
Abrabɔ ahyɛse
[sesa mu | sesa ekyirsɛm]Wɔwoo Emmanuel wɔ Kwakwa 20, 1961 mu wɔ Brɔn na Ahafo Mantaw mu wɔ Ghana. Onyaa n'abodzin krataa (Degree) wɔ Ɔmansikasɛm (Economics) mu wɔ University of Ghana mu. Ɔyɛɛ edwuma dɛ nwomasua ho bemfo ansaana owura amanyɛsɛm mu.
Amanyɛsɛm
[sesa mu | sesa ekyirsɛm]Emmanuel hyɛɛ n'amanyɛsɛm akwantu no ase wɔ afe 1993 mu ber wɔdaa no edzi dɛ oedzi nkonyim wɔ afe 1992 Ghana mbrahyɛbagua ambatow mu a ɔkɔr do wɔ Mumu 29, 1992 mu.
Woyii no dɛ mbrahyɛbaguanyi wɔ mbrahyɛbagua a ɔtɔ do ebien wɔ Ghana Republic a ɔtɔ do anan mu ber a odzii nkonyim wɔ ambatow no mu no. Odzii Georges Nsiah-Afriyie a ɔwɔ New Patriotic Party na Michael K.Manu a ɔwɔ People's National Convention hɔn do nkonyim. Emmanuel nyaa mba 40.80% fir mba dodow a wɔtowee no mu, wɔ aber a George nyaa 35.60% na Michael so nyaa 1.10%. Paul Okoh a ɔwɔ New Patriotic Party dze mba 49.10% a onyaa fir mba dodow a wɔtowee mu dzii Emmanuel Baah Danquah a no so nyaa 44.10% do nkonyim wɔ afe 2000 Ghana ambatow kɛse no mu.