Daniel Tekpertey

Daniel Tekpertey yɛ Ghana ɔmanyɛnyi na mbrahyɛbaguanyi ma National Democratic Congress wɔ mbrahyɛbagua a ɔtɔ do ebiasa wɔ aban a ɔtɔ do anan mu wɔ Ghana. Ogyinaa maa Yilo Krobo a ɔwɔ Epuei Mantɔw mu wɔ Ghana.

Abrabɔ ahyɛase, nwomasua na amanyɛsɛm

Wɔwoo Tekpertey wɔ Yilo Krobo a ɔwɔ Epuei Mantɔw mu wɔ Ghana. Ber a wɔrotow Ghana ambatow kɛse wɔ afe 1996 mu no, nna ɔtse egua do ma Yilo Krobo ambatow mpasua. Ɔtsenaa egua do kesi afe 2004 a odzii nkogu ma Raymond Tawiah a ɔwɔ National Democratic Congress besii n'ananmu.

Ambatow

Daniel dzii nkonyim wɔ afe 2000 Ghana ambatow kɛse no mu wɔ Yilo Krobo ambatow mpasua mu. Onyaa amba 13, 960 a ɔnye 49.10% yɛ pɛr. Owura Tekpertey dzii nkonyim dze nam National Democratic Congress (NDC) do, amba a wɔtoow nyina yɛ 28, 456. Ɔnye amanyɛkuw ahorow enum sii akan no. Christian Kofi Tettey a ɔwɔNew Patriotic Party (NPP) amba 9,264 a ɔnye 32.60% yɛ pɛr, Jonas Tetteh Numo a ɔwɔ National Reform Party (NRP) nyaa amba 3, 425 a ɔnye 12.00% yɛ pɛr. Convention People's Party (CPP) nyaa 1,112 a ɔnye 3.90% yɛ pɛr. Amanyɛkuw ebien bi so sii egua no ho akan. Kuw no nye People's National Convention (PNC) na United Ghana Movement (UGM)