Cletus Avoka
Wɔwoo Cletus Apul Avoka wɔ Ɔberɛfɛw 20, 1951 mu. Ɔyɛ Ghana mbranyimfo, ɔmanyɛnyi na mbrahyɛbaguanyi ma Zebilla East ambatow mpasua a ɔwɔ Epuei Boka Mnatɔw mu.
Nna ɔyɛ Ɔdodow hɔn panyin wɔ mbrahyɛbagua mu, ɔsoafo a ɔhwɛ Ghana nsɛm mu na ɔsoafo a ɔhwɛ Asaase na Kwae.
Abrabɔ ahyɛase na nwomasua
[sesa mu | sesa ekyirsɛm]Wɔwoo Cletus Apul Avoka wɔ Ɔberɛfɛw 20, 1951 mu. Ofi Teshie a ɔbɛn Zebilla wɔ Epuei Boka Mantɔw mu. Ɔkɔr skuul wɔ Navrongo Ntoado Skuul na Ghana Suapɔn na onyaa abodzi krataa L.L.B wɔ afe 1976 mu. Ɔsaanee kɔr Ghana School of Law na onyaa abodzin krataa a wɔfrɛ no Bachelor of Law degree wɔ afe1978 mu.
Amanyɛdwuma
[sesa mu | sesa ekyirsɛm]Afe 2012 ambatow kɛse ekyir no, wɔdze no hyɛɛ Benjamin Kunbour ananmu wɔ mbrahyɛbagua a ɔtɔ do esia wɔ kwasaman a ɔtɔ do anan mu dɛ hɔn a wosuar wɔ mbrahyɛbagua mu no panyin. Nna ɔyɛ ɔsoafo a ɔhwɛ Ghana nsɛm mu ma National Democratic Congress wɔ John Atta Mills aban mu wɔ Ghana kesi Sanda 2010 mu.
N'asoe dwuma a odzi kan nye Ɔsoafo a ɔhwɛ Asaase na nkwae wɔ Jerry Rawlings aban mu. Nna ɔyɛ mbrahyɛbaguanyi ma Bawku West ambatow mpasua a ɔwɔ Epuei Boka Mantɔw mu wɔ Ghana fitsi afe 1993 mu kesi afe 2005 mu.
Afe 2008 mbrahyɛbagua ambatow no, ɔsanee kɔr mbrahyɛbagua mu dɛ mbrahyɛbaguanyi a ɔtɔ do ebien ma Zebilla ambatow mpasua na ɔhyɛɛ edwuma ase wɔ Sanda 2009 mu.
Afe 2000 ambatow
[sesa mu | sesa ekyirsɛm]Nna Avoka san yɛ mbrahyɛbaguanyi ma Garu-Tempane fitsi afe 2000 mu kesi afe 2004 mu. Afe 2000 mu no, odzii nkonyim wɔ ambatow no mu dɛ mbrahyɛbaguanyi ma Garu-Tempane ambatow mpasua a ɔwɔ Epuei Boka mu wɔ Ghana. Odzii nkonyim dɛ obi a onnyi amanyɛkuw biara mu wɔ Epuei Boka Mantɔw mu wɔ Ghana. Akudibila nyaa amba 14, 282 fii amba dodow a wɔtoow no mu. Iyi nye 45.40% fi amba dodow a wɔtoow mu no mu. Odzii nkonyim tsiaa William Azuma Dominic a ɔwɔ National Democratic Congress, onyaa amba 12, 224 a egyina hɔ ma 38.90%, William Pullam a ɔwɔ Peoples National Convention Party, onyaa amba 2, 908 a egyina hɔ ma 9.20%, Emmanuel S. N. Asigri a ɔwɔNew Patriotic Party, onyaa amba 1, 360 a egyina hɔ ma 4. 30%, Tindogo D.Ashock a ɔwɔ Convention Peoples Party, onyaa amba 293 a egyina hɔ ma 0.90%, Halid M.Yussif a ɔwɔ United Ghana Movement, onyaa amba 246 a egyina hɔ ma 0.80% na Hamidu Sahanona a ɔwɔ National Reform Party, onyaa amba 138 a egyina hɔ ma 0.40%.
Afe 2008 Ghana ambatow kɛse no mu no, onyaa amba 13, 074 fii amba dodow 32, 215 a wɔtoow no mu a egyina hɔ ma 40.50% tsiaa Appiah Moses onyaa amba 10,470 a egyina hɔ ma 32.50%, John Akparibo onyaa amba 6,701 a egyina hɔ ma 20.80%, Sulley Awanni Agholisi onyaa amba 1,461 a egyina hɔ ma 4.54%, Azumah Yusif Ndago onyaa amba 273 a egyina hɔ ma 0.85% na Atiah Kudugu onyaa amba 236 a egyina hɔ ma 0.73%.
Ɔdze amba 21, 900 fi amba dodow 41, 106 mu a egyina hɔ ma 52.28% dzii nkonyim wɔ afe 2012 Ghana ambatow kɛse no mu tsiaa Frank Fuseini Adongo onyaa amba 17,082 a egyina hɔ ma 41.56%, Mallam Yusuf Isa onyaa amba 1,739 a egyina hɔ ma 4.23% na Atangnaba Abraham onyaa amba 385 a egyina hɔ ma 0.94%.
N'abrabɔ mu nsɛm
[sesa mu | sesa ekyirsɛm]Avoka yɛ Catholic Christianyi na ɔawar awo mba baanan.