Bakatue
| Ethnic group | Fante  |
|---|---|
| Continent | Africa(Ebibirim) |
| Country | Ghana |
| Located in the administrative territorial entity | Central Region |
| Location | Elmina, Central Region |
| Commemorates | Fante |
Bakatue Afahyɛ yɛ afahyɛ a ahemfo na nkorɔfo a wɔwɔ Edina a ɔwɔ Finimfin Mantɔw mu wɔ Ghana na wodzi. Afe 1847 mu na afahyɛ yi bɔbɔɔ adze, wodzi no wɔ Benada a odzi kan wɔ Ayɛwoho wɔ afe biara mu.
Afahyɛ No[sesa mu | sesa ekyirsɛm]
Dutch fo na wɔdze afahyɛ no bɔbɔɔ adze wɔ afe 1847 mu na hɔn Governor Cornelis Nagtglas na wɔbɔɔ ne dzin wɔ ho wɔ afe 1860 mu. Afahyɛ no yɛ adze a obue nam kye ano kwan wɔ Edina fardwuma mu. Edzin Bakatue fi Fante kasa mu na ase kyerɛ dɛ " baka ne ntuei". Wɔdze afahyɛ ne dzi sii hɔ dze kae ber a Portugalfo hyehyɛɛ Edina wɔ ahyɛse a wɔdze yɛɛ etubrafo wɔ Gold Coast a na ɔwɔ hɔ dɛm ber no mu no. Wɔsan dze bɔ mpae na wɔda nananom ase wɔ nam kye afe pa ho.
Dwumadzi Ne Nhyehyɛɛ[sesa mu | sesa ekyirsɛm]
Edinaman no dze Dwowda na Benada a odzi kan wɔ Ayɛwoho bosoom no mu dɛ afahyɛ nda.
Dwowda[sesa mu | sesa ekyirsɛm]
Amandze a ɔsɛ dɛ wɔyɛ no afahyɛ no biara no, dɛm da no na wɔyɛ wɔ mu.
Benada[sesa mu | sesa ekyirsɛm]
Mbasiafo a wɔhyɛ Kente rokɔ aprɔw wɔ Brenya baka no do.
Ɔnye Ghana nsutɔ ber na wohyia. Wɔfaa Benada osiandɛ ɔno nye Bosompo ne da. Dɛ mbrɛ ɔtse wɔ Edina no, dɛm ara so na ɔtse wɔ kurow biara a wɔyɛ fardwuma wɔ Ghana ha, dɛ Benada yɛ da wɔdze esi ama Bosompo. Sɛ odu dɛm ber no a, Ɔmanhen na n'ahemfo nkaa no a wɔwɔ Edina no dze nkyirefua na bayer a wɔdze ngo kɔkɔɔ yɛ edziban ma Nana Brenya, bosom a ɔwɔ baka no mu, na wɔbɔ mpae serɛ asomdwe. Afahyɛ da anapa no, adzehye a wɔwɔ Edina ahenfie no nyina dze santsen twa kurom a ahemfo ahorow no tsena tsena hɔn apaka ahorow no mu twa kurom. Ahemfo a wɔwɔ nkurow akɛse mu wɔ Edina mu no tsena apaka a woesiesie no fɛfɛɛ mu. Sɛ ahemfo no twa kurow mu wie na etsitsirfo a wɔtoo nsa frɛɛ hɔn no dze hɔn nsɛm to gua wie a, nsunsinyi panyin tow eboa gu Brenya Baka no mu mpɛn ebiasa.
Mboaedze[sesa mu | sesa ekyirsɛm]
https://www.ghanaweb.com/GhanaHomePage/tourism/festivals.php
https://books.google.com.gh/books?id=-SBwMhYAZw0C&pg=PA285&redir_esc=y#v=onepage&q&f=false
https://www.hugedomains.com/domain_profile.cfm?d=pathghana.com
https://www.ghanabusinessnews.com/2011/07/06/rituals-to-begin-edina-bakatue-observed/