Abraham Kofi Asante
Sex or gender | male |
---|---|
Country of citizenship | Ghana |
Languages spoken, written or signed | English |
Occupation | official |
Position held | Member of the 3rd Parliament of the 4th Republic of Ghana, Member of the 2nd Parliament of the 4th Republic of Ghana |
Educated at | University of Ghana, Ghana Communication Technology University |
Member of political party | National Democratic Congress |
Religion or worldview | Christianity |
Abraham Kofi Asante yɛ Ghana ɔmanyɛnyi na mbrahyɛbaguanyi wɔ mbrahyɛbagua a ɔtɔ do ebien na ebiasa mu wɔ kwasaman a ɔtɔ do anan mu wɔ Ghana. Ɔyɛ mbrahyɛbaguanyi dada ma Amenfi West ambatow mpasua a ɔwɔ Anee Mantɔw mu wɔ Ghana na ɔyɛ kuwba wɔ National Democratic Congress amanyɛkuw no mu.
Ɔbra ahyɛse na nwomasua[sesa mu | sesa ekyirsɛm]
Asante kɔr skuul wɔ Kwame Nkrumah University of Science and Technology. Onyaa abodzin krataa a wɔfrɛ no Bachelor of Science degree in chemistry wɔ hɔ. Ɔsaan kɔr Ghana Suapɔn na onyaa abodzin krataa Master of Business Administration Degree. Ekyir yi, ɔsaan kɛgyee abadzin krataa a wɔfrɛ no Master of Science Degree wɔ Ghana Telecom University College.
Amanyɛsɛm[sesa mu | sesa ekyirsɛm]
Nna Asante yɛ mbrahyɛbaguanyi wɔ mbrahyɛbagua a ɔtɔ do ebiasa mu wɔ kwasaman a ɔtɔ do anan mu wɔ Ghana. Ɔyɛ National Democratic Congress kuwba na anamusinyi ma Amenfi West ambatow mpasua a ɔwɔ Anee Mantɔw mu wɔ Ghana. N'amanyɛsɛm dwuma hyɛɛ ase ber a odzii nkonyim wɔ afe 1996 Ghana ambatow kɛse no mu dze nam National Democratic Congress do no. Onyaa amba 16,085 fiir amba dodow a wɔtoow 24,396 mu a egyina hɔ ma 46.70% dze tsiaa ne kansifo Samuel Alberto Tekyi a onyaa amba 8,311.
Afe 2000 Ambatow[sesa mu | sesa ekyirsɛm]
Wɔpaaw Asante dɛ mbrahyɛbaguanyi maa Amenfi West ambatow mpasua wɔ afe 2000 Ghana ambatow kɛse no mu. Odzii nkonyim dze nam National Democratic Congress do. Mbrahyɛbagua ngua 19 a ɔwɔ hɔ no, n'ambatow mpasua no ka no mu 9 a National Democratic Congress dzii do nkonyim wɔ dɛm ambatow no mu wɔ Anee Mantɔw mu no ho. National Democratic Congress nyaa mbrahyɛbagua ngua 92 fii ngua 200 a nna ɔwɔ hɔ no mu wɔ mbrahyɛbagua a ɔtɔ do ebiasa mu wɔ kwasaman a ɔtɔ do anan mu wɔ Ghana. Wɔdze amba 10,848 fi amba dodow a wɔtoow 21,704 mu na wɔdze paaw no. Iyi nye 49.4% fi amba dodow a wɔtoow mu yɛ pɛr. Odzii nkonyim tsiaa Samuel Alberto Tekyi a ɔwɔNew Patriotic Party, onyaa amba 9,493 a egyina hɔ ma 44.6% na Kwasi Dankama Quarm a ɔwɔ Convention People's Party, nyaa amba 937 a egyina hɔ ma 4.4% fi amba dodow a wɔtoow no mu.