Abdul-Rashid Pelpuo

Abdul-Rashid Pelpuo

human

Bɔbea	male
Ɔman a ofir do	Ghana
Name in native language	Abdul-Rashid Pelpuo
Dzin a wɔdze ama no	Abdul Rashid
Da a wɔwoo no	5 Esusow Aketseaba 1964
Bea a wɔwoo no	Wa
Languages spoken, written or signed	English
N'edwuma	politician, coordinator, consultant
Educated at	University of Cape Coast, University of Ghana, University of Ghana, University of Ghana, Wa Senior High Technical School
Member of political party	National Democratic Congress
Religion or worldview	Islam

Abdul-Rashid Hassan Pelpuo yɛ Ghana amanyɛnyi. Ɔyɛ mpirempiren Mbrahyɛbaguanyi ma Wa Finimfin Mansin a ɔwɔ Upper West Mantɔw wɔ Ghana.

N’abrabɔ Ahyɛase Na Nwomasua

Ofi Wa wɔ Etsifi Atɔe Mantɔw mu wɔ Ghana. Ɔkɔr ne mfinimfin skuul na onyaa abɔdzin krataa wɔ 1979 mu. Onyaa ne O lɛbol nwomasua wɔ 1983 mu na ne A lɛbol nwomasua wɔ 1986 mu. Onyaa Dipoloma wɔ Ɛkɔnɔmise mu wɔ afe 1994 mu na ɔtoaa do nyaa digilii wɔ saikɔlɔge mu wɔ 1994. Onyaa masetas digilii wɔ Amanaman nhwɛdo wɔ 1998 mu. Ɔwɔ PhD wɔ mpontu nhyehyɛɛ fi Ghana Esuapɔn mu, Ebibir Adzesua wɔ 2013 mu.

N’edwumasɛm

Nna ɔyɛ kɔnsɔtantse wɔ Institute of Policy Alternatives.. Nna ɔsanso yɛ National Youth Council sikahwɛfo abadziekyir na ekyir afei so ɔbɛyɛɛ ntotoonyi maa dɛm edwumakuw yi na ɔwɔw do bɛyɛɛ kuadwuma Ag. Regional wɔ dɛm edwuma no mu.

N’amanyɛsɛm

Ɔkɔr Ghana Mbrahyɛbaguafie 2005 mu ber a odzii nkunyim wɔ Wa finimfin egua no wɔ NDC afamu wɔ Mumu, 2004 abatow mu.

Pelpuo nna ɔyɛ ɔmanmu soafo wɔ ɔmanpanyin tsenabew kɛpem Fankwa, 2009 ber a Ɔmampanyin John Atta Mills sesaa no kɔr Asoɛe a wɔhwɛ Mbaabun na Agordi do kesi ber a Muntaka Mohammed Mubarak gyaa edwuma no. Ɔsom wɔ n'ahoɔdzen mu kɛpem ber a wɔsesaa hɔn wɔ Sanda, 2010. Ghana Basia a odzii kan bɔhwɛɛ asoɛe a ɔhwɛ agodzi do, Akua Dansua bɛsesaa no na wɔmaa no nyimpa dom a wɔwɔ mbrahyɛbaguafie ekyirdzinyi mbom. Wɔsanso faa no kaa Ghana Nkorɔfo enum a wɔbɔdwen Ebibirmu Mbrahyɛbagyuafie wɔ South Africa no ho a ɔsom afe kor kɛpem 2013.

John Mahama amambu mu no(2012 -20216), wɔfaa no dɛ ɔman soafo wɔ Aban no tsenabew dɛ ɔnhwɛ akorankor ndwuma ne mpontu na amansan ankorankor nkanbom (PPP). Nna ɔka Ɛkɔnɔmise ntotoo kuw no ho (EMT). 2016 mu no, odzii nkunyim wɔ n'egua no do bio mfe anan dɛ Wa finimfim abatow mpasoado mbrahyɛbaguanyi. Mbrahyɛbaguafie mu no, Pelpuo woyii no dɛ oguamutsenanyi ma dodowyɛ na mpontu kuw na okandinyi ma mbrahyɛbaguafo no ma ɔmanmu ntɔyɛɛ, Ghana afamu. Ɔsan so dzii dzibew tsitsir wɔ ban ngyentum kuw, kuw a noho hia a wɔhwɛnkan na wɔhwɛ na wɔhwɛ aban asoafo ma wɔdzi hɔn bɔhyɛ a wɔhyɛɛ hɔn mamfo.

Pelpuo sii akan wɔ 2020 abatow mu na odzii nkunyim mpɛn enum do dɛ mbrahyɛbaguanyi na wɔfaa no bio dɛ ɔmbɛyɛ guamutsenanyi mma mpontu na dodowyɛ kuw na ɔka asoɛe a wɔhwɛ asaase do ho. Ɔka Enyinam na Ndwumasɛm kuw ho.

2004 Abatow

Pelpo woyii no dɛ Wa abotow mpasoado mbrahyɛbaguanyi wɔ 2004 Ghana ɔmanmu abatow mu. Okegyinaa dɛm abatow mpasuar no ananmu mpɛn anan wɔ Ghana amambu a otsia anan no mu. Odzii nkunyim wɔ amba 21,272 aba wɔ 41,501 amamba korɔgyin mu. Iyi wɔdze toto ɔha mu nkyekyɛmu 51.3% wɔ amba korɔgyin mu. Odzii nkunyim wɔ Mornah Anbataayela Bernard a ofi People's National Convention, Mohammed Adama Kpegla a ofi New Patriotic Party, Abu Mumuni a ofi Convention People's Party, Osman Mohammed a ofi Democratic People's Party na Osman Imam Sidik a ogyinaa dɛ akorankonyi. iyinom nyaa 12,280 amba, 7,249 amba, 372 amba, 172 amba na 152 amba ndzidodo mu wɔ amba korɔgyin no nyinara mu. Iyi dze toto 29.6%, 17.5%, 0.9%,0.4% na 0.4% ɔha mu nkyekyɛmu ndzidzido wɔ amba no nyinara mu. Plpuo dzii nkunyim wɔ NDC amayɛkuw mu. No nyinara mu no NDC nyaa mbrahyɛbeghuafo dodow 94 wɔ 230 ngua mu wɔ Mbrahyɛbagua anan wɔ amabu anan mu wɔ Ghana.

N’abrabɔ Mu Nsɛm

Abdul Rashid yɛ musilɛmiinyi.