Wa Senior High Technical School
| Inception | 1950  |
|---|---|
| Country | Ghana |
| Located in the administrative territorial entity | Upper West Region |
| Coordinate location | 10°3′32″N 2°30′44″W |
| Operator | ministry of education |
Wa Senior High Technical School yɛ nsɔwdo skuul a ɔwɔ Wa a ɔwɔ Etsifi Atɔe Mantɔw mu wɔ Ghana. Skuul no a nkan no wɔfrɛ no Wa nsɔwdo skuul, ɔwɔ esuafo a wofi fie ba skuul na esuafo a wɔda skuul hɔ na ɔwɔ Konta a ɔnye Ghana Nsu edwumakuw dzi nhwɛnyim.
Abakɔsɛm
[sesa mu | sesa ekyirsɛm]Skuul no wɔtseew no dɛ kurow kumaa bi mu mbofraber mu skuul wɔ afe 1950 mu. Ber rokɔ enyim no, skuul no bɛyɛɛ mbofra mpanyin kakra skuul wɔ afe 1978 mu na ekyir wɔsesaa no bɛyɛɛ kurow kumaa bi mu nsɔwdo skuul wɔ afe 1982 mu. Wobuee ano dɛ kurow kumaa bi mu nsɔwdo skuul wɔ Ebɔw 30, 1983. Nsesa mu a ɔbaa nwomasua mu wɔ afe 2004 mu no wɔfrɛɛ skuul no Wa nsɔwdo skuul.
Wɔ afe 2012 mu no, Ghana Nwomasua Asoeɛ maa skuul no gyinabew bi a esuafo no botum ada hɔ a wosisii adn bebiree ɔnam aban no do a wɔdze Ghana nwomasua fotow no dzii dɛm dwuma yi. Mpenpen yi skuul no wɔ esuafo bɛyɛ 2200.
Adzesua ndzɛmba
[sesa mu | sesa ekyirsɛm]Skuul no wɔ adzesua ndzɛmba bebiree a ɔboa esuafo n'adzesua. Etsifi Atɔe Mantɔw French Bea wɔ skuul hɔ French esuafo nnya haw wɔ adzesua nkorbata noho.
Ɔwɔ amansan Sɛainse Labo, Mbuukuu korabew na adan a noho hia. Sɛ yeyi skuul no Sɛainse Labo no to nkyɛn a, Sɛainse Laboa ɔwɔ Mantɔw mu hɔ no so si skuul hɔ.
Adzesua nkorbata
[sesa mu | sesa ekyirsɛm]Skuul no yɛ adzesua nkorbata yi Sɛainse, Gɛniral Atse, Bihyewal Atse, Tɛkinikal na Hoom Ɛkɔnɔmise.
Esuafo a wowiee skuul yi
[sesa mu | sesa ekyirsɛm]- Hon. S.K. Alban Bagbin - Mbrahyɛbeguanyi wɔ Nadowli Kaleo abatow mpɔtamu.
- Yonny Kulendi - Ɔtsembuafo a ɔwɔ Ghana Asɛmdzibea Baatan (2020-)
- Kwesi Nyantakyi - Ghana Ɔmanmu Agorkansi kuw (2005-2018)
- Hon. Rasheed Pelpuo(Dr.) - Nkan no ɔkasafo abadziekyir a ɔwɔ mbrahyɛbeguafie na mbrahyɛbeguanyin a oeyi no wɔ Wa finimfin abatow mpɔtamu