Victor Okuley Nortey

Victor Okuley Nortey yɛ Ghana amanyɛnyi na mbrahyɛbaguanyi wɔ mbrahyɛbagua a otsia anan wɔ kwasafoman a ɔtɔdo anan no mu wɔ Ghana ma Ablekuma finimfin mbrahyɛbagua mpasuardo wɔ Nkran mantɔw mu. Ɔyɛ Ɔson amanyɛkuwba(New Patriotic Party).

Dza ɔwɔ mu;

   1 Ne bra ahyɛse na nwomasua
   2 Edwuma
   3 Amanyɛdwuma
       3.1 Abatow
           3.1.1 Afe 1999 By-Election
           3.1.2 Afe 2004 Abatow
   4 N'abrabɔ

NE BRA AHYƐSE NA NWOMASUA:

Wɔwoo Nortey wɔ afe mpem ahaakrɔn eduonu-awɔtwe wɔ Nkran wɔ Ghana.

EDWUMA:

Nortey yɛ Odwumayɛnyi.

AMANYƐDWUMA: ABATOW AFE 1999 Abatow

Odzi kan no, woyii Nortey dɛ mbrahyɛbaguanyi dze maa Ablekuma finimfin mantɔw mu wɔ Nkran mpasuardo do wɔ Ghana wɔ afe mpem ahaakrɔn eduokrɔn-akrɔn ne bosoom a ɔtɔdo ebiasa wɔ ne da a otsia eduonu-esia no mu. Ɔfaa dɛm nkunyimdzi abɔtsir yi wɔ Ɔson amanyɛkuw (New Patriotic Party) no tsikiitsi do a nna okitsa mba 4.808.

AFE 2004 ABATOW:

Woyii Nortey dɛ mbrahyɛbaguanyi maa Ablekuma finimfin mpasuardo wɔ Nkran mantɔw mu wɔ Ghana wɔ afe 2004 Ghana asahen abatow no mu. Iyi dzii mu wɔ Ɔson amanyɛkuw (New Patriotic Party) no tsikiitsi do. Mbrahyɛbaguafie ngua eduonu-esuon mu no, nna Ablekuma finimfin mpasuar ka mbrahyɛbaguafie ngua du-esia Ɔson amanyɛkuw (New Patriotic Party) no fae no ho. Ɔson amanyɛkuw (New Patriotic Party) no dɔm-kɛse no ngua wɔ mbrahyɛbaguafie a na no dodow yɛ ɔha eduonu-awɔtwe dze fii mbrahyɛbaguafie ngua ahaebien eduasa no mu. Wɔdze mba 47,731 dze fi mba papa a ɔyɛ 94,969 no mu. Nna mba yi gyina hɔ ma 50.3% dze fi mba papa no mu. Wɔsaan Stephen Kwame Aloma a ɔyɛ "People's National Convention" kuwba, Basha Harsey a ɔyɛ Kyim amanyɛkuwba (National Democratic Congress), Stephen Douglas Annor a na ɔyɛ Akokɔ Baatan amanyɛkuwba (Convention People's Party), Ali Ibrahim a ɔyɛ "Democratic People's Party" kuwba na Abdul Rahmman Alim a no so yɛ "National Reformed Party" kuwba ho paaw Victor Okuley Nortey dɛ mbrahyɛbaguanyi. Mba a dɛm nyimpakuw yi nyae yɛ mba 1,465, 44,027, 1,273, 275 na 198 dze fi mba papa no mu. Dɛm mba yi gyina hɔ ma 1.5%, 46.4%, 1.3%, 0.3% na 0.2% dɛ mbrɛ edzin no dzidzi do no.

N'ABRABƆ:

Victor Okuley Nortey yɛ Kristianyi.