Takoradze Sakrabudu/ Ankɔs Afahyɛ

Afahyɛ
Country	Ghana
Location	Takoradi
Day in year for periodic occurrence	December 24

Takoradze Sakramudu/ Ankɔs afahyɛ yɛ afahyɛ a ɔkɔ do afe biara a Sekunde na Takoradzefo a wɔwɔ Ghana dzi. Ɔyɛ afahyɛ a ɔtwe dodow fi Ghana na aborɔkyir ba Takoradze. Dza ɔma ɔyɛ fɛw nye ankɔs anaa sakramudu ekuwekuw ahorow a woesiesie hɔnho fɛfɛɛfɛw na wɔda hɔn asaw na nsenkundwom edzi. Afahyɛ no taa kɔ do Mumu 24-26 afe biara, na bɔhwɛadzefo fi ekyirekyir ba bɔhwɛ hɔn enyiwa do adze.^[1]^[2]

Ekuwekuw ahorow

Ekuwekuw ahorow na afe biara wodzi akotsen wɔ Takorade Ankɔs afahyɛ no mu. Dza ɔyɛ enyika wɔ ho no nye dɛ, afe biara no, kuw fofor/afofor tsintsim ne/hɔn (e)dzin dze hɔnho hyɛ dwumadzi no mu. Seseiara, ekuw ahorow a ɔwɔ hɔ na wɔka do yi:^[3] ^[4]

Ankos
Cosmos
Holy Cities
Nyanta Boys
Iron Fighters
Unity
Missisipi
Spain
Sunnato
Valencia
Canadians
Chinese
Tumus
Ɔhyɛ W'akoma mu
Supreme
Oil city
Millionaires
Unicon
Addyzee
USA
Nyanta Boys and Girls
Mokojako
Classic Ladies
Crench
Ocean City
Ɔdɔyɛfɛw
Emirates
NK City

Ekyingye ahorow a ɔwɔ afahyɛ no ho

Afahyɛ no ehyia ekyingye ahorow pii na ogu do araa so hyia. Ekyingye no bi nye hɔn a wɔdze bɔbɔɔ adze. Simpa kyerɛ a, hɔn na wɔdze afahyɛ no bɔbɔɔ adze. Takoradzefo so kyerɛ a, hɔn na wɔdze bɔbɔɔ adze. Dɛmara so na Soadurfo so kyerɛ.Iyi egya ekyingye kɛsekɛse ato afahyɛ no ne ndzii do. Sɛ yeyi farbaa no si nkyɛn a, ekyingye kor so a ɔwɔ afahyɛ no ne ndzii ho nye "Woana na ne dze yɛ fɛw?" Simpafo kyerɛ a, hɔn na hɔn dze yɛ fɛw. Takoradzefo na Soadurfo so dɛmara na wɔkyerɛ.

Mbeambea a afahyɛ no ne ndzii kɔ do

Afahyɛ no kɔ do wɔ Takoradze dze, naaso nnyɛ beebiara na ɔkɔ do. Nkan no, nna ɔkɔ do wɔ Takoradze PWD kwan no do. Afahyɛ no bi so akɔ do wɔ Liberation Road da. Seseiara, afahyɛ no kɔ do wɔ Takoradze Amamfor.