Simpa Nwomasua Suapɔn

Simpa Nwomasua Suapɔn, suapɔn a wɔtaa frɛɛ no UEW yɛ suapɔn a ɔwɔ Simpa wɔ Ghana ne Finimfin Mantɔw mu. PNDC Mbra 322 na wɔdze tseew suapɔn no wɔ afe 1992 mu. Suapɔn no yɛ suapɔ bi a ɔnye Oguaa Suapɔn (UCC) wɔ nkitahodzi mapa. Suapɔn no n'enyidoadzehu kɛse nye dɛ ɔbɛtsetse akyerɛkyerɛfo mapa na hɔn a wodzi akotsen wɔ nwomasua mu ama ɔman Ghana.

Ekuwekuw/ Nkorbata

Simpa Nwomasua Suapɔn no wɔ nwomasua asɔɛe nkorkor eduonu akron na ɔsan so wɔ nwomasua asɔɛepɔn esuon. Ɔsan so wɔ asɔɛe ahorow a abɔ apetse Ghana n'afɛndzeanan nyinara mu a wɔhwɛ esuafo a wɔtsena fie kɔ skuul.

Sɛ edze suapɔn no skuul ebiasa a ɔwɔ no, a ne nyinara wɔ Simpa no a suapɔn no ne ɔfese ahorow wɔ hɔ no to nkyɛn a, suapɔn no san wɔ skuul a ɔwɔ Edwumako wɔ Finimfin Mantɔw mu hɔ ara a wosua Ghana Kasahorow no nsuae.

Skuul a wosua Kasahorow

Edwumako Skuul a ɔhyɛ suapɔn no ase no hyɛ asɔɛepɔn a wɔhwɛ kasasua do no ase. Nwomasua asɔɛe ahorow ebiasa na ɔwɔ skuul no mu. Iyinom nye Akan-Nzema Nwomasua Asɔɛe, Awona Nwomasua Asɔɛe, Nkran-Krɔbɔ Nwomasua Asɔɛe na Sarmu Kasahorow Nwomasua Asɔɛe.

Nwomasua Asɔɛepɔn no dze no nkakrankara befi Simpa skuul hɔ dze skɔ Edwumako skuul hɔn abɛyɛ a Skuul a wosua Kasahorow.

Nwomasua Asɔɛepɔn a wosua Kasahorow

• Akan-Nzema Nwomasua Asɔɛe
• Awona Nwomasua Asɔɛe
• Nkran-Krɔbɔ Nwomasua Asɔɛe
• Sarmu Kasahorow Nwomasua Asɔɛe
• Frɛnkye Kasa Nwomasua Asɔɛe
• Borɔfo Kasa Nwomasua Asɔɛe
• Lengwesteke Nwomasua Asɔɛe

Simpa Skuul/ Suapɔn no ankasa

Simpa Skuul no nye suapɔn no ankasa. Skuul no wɔ nkyekyɛmu ebiasa. Iyinom nye Etsifi, Finimfin na Anaafo a ne nyinara wɔ Effutu Mansin no mu. Bea suapɔn no no ntotoe nyinara kɔ do no wɔ Anaafo skuul hɔ. Iyinom nye asɔɛe ahorow, ɔfese ahorow na skuul ahorow a ɔwɔ Simpa Skuul no mu: