Robert Sarfo-Mensah

Robert Sarfo-Mensah

human

Bɔbea	male
Ɔman a ofir do	Ghana
Dzin a wɔdze ama no	Robert
Da a wɔwoo no	1 Ebɔbira 1970
Bea a wɔwoo no	Mampong
Languages spoken, written or signed	English
N'edwuma	politician, farmer
Dzibew	Member of the 6th Parliament of the 4th Republic of Ghana, Member of the 7th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	University of Ghana, Ghana Institute of Management and Public Administration
Member of political party	New Patriotic Party
Religion or worldview	Eastern Orthodoxy

Robert Sarfo-Mensah yɛ Ghana ɔmanyɛnyi na ɔka Ghana ka-bi-ma-menka-bi amanbu a ɔtɔ do anan no no Mbrahyɛbagua a ɔtɔ do enum na esia (6) no ho a origyina Asunafo Etsififo anan mu wɔ Brɔn na Ahafo Mantɔw mu wɔ Ghana.

Ɔbra Ahyɛse na Nwomasua

Wɔwoo no Ebɔbira 1,1970 mu. Ofi Mampɔn a ɔwɔ Esuantse Mantɔw no mu.Onyaa n'abɔdzin krataa a otsia ebien wɔ GIMPA mu wɔ afe 2008 mu.Ɔsan kitsa abɔdzin krataa wɔ Borɔfo kasa mu wɔ University of Ghana a onyaa no afe 1996 mu.

Edwumayɛ

Sarfo-Mensah dɔw/ɔyɛ okuanyi.Ɔayɛ edwuma dɛ Sikahwɛdofo abadziekyirwɔ VAT edwuma mu.Ɔasan ayɛ edwuma ama aban, dɛ towgyenyi. Afe 2017 mu no, ɔsan yɛɛ edwuma kwankyerɛfo panyin a ɔda Ghana Kuw a Ɔhwɛ Agokansi do ano ber a mampanyin Nana Akuffo Addo paaw no no. Ekyir no, ɔmampanyin kor noara gyee ne dzibew no fii ne nsamu ber a ɔbɔtɔɔ gua dɛ visa ho nsɛnsɛm bi kɔr do wɔ Commonwealth agokansi a ɔkɔr do wɔ Gold Coast,Australia no.

Ghana ha nhwehwɛmu bi a wɔyɛe no dze bɔtoo gua dɛ,nna Sarfo-Mensah ne dzin tɔ do 12 a ndze a wɔbɔe no daa no edzi dɛ nna ɔregye sika efi Tiger Eye PI bɔɔlbɔ kuw no hɔ ama bɔɔlbɔnyi bi eenya akwannya aabɔ bɔɔlbɔ akansi no bi.

Amanyɛsɛm

Ɔbɛyɛɛ mbrahyɛbaguanyi wɔ afe 2005 mu. Ɔka New Patriotic Party amanyɛkuw no ho. Ɔbɛyɛɛ mbrahyɛbaguanyi ber a odzi kan wɔ Mbrahyɛbagua a ɔtɔ do anan no wɔ Ghana Ka-bi-ma-menka-bi amambu a ɔtɔ do anan no mu. Ogyinae maa Asunafo Etsifi Ambatow Mpasua no wɔ Brɔn na Ahafo Mantɔw no mu. Ɔsanee tsenaa egua do dɛ Asunafo Etsifi Ambatow Mpasua no hɔn mbrahyɛbaguanyi wɔ mbrahyɛbagua a ɔtɔ do enum no mu wɔ Ghana Ka-bi-ma-menka-bi amambu a ɔtɔ do anan no mu.

Ambatow

Ber a odzi kan a wɔtoow amba maa Sarfo-Mensah dɛ Asunafo Etsifi ambatow mpasua no ne mbrahyɛbaguanyi wɔ kan Brɔn na Ahafo Mantɔw mu wɔ Ghana nye afe 2004 Ghanaman mu nyina ambatow kɛse no mu. Odzii konyim wɔ New Patriotic Party amanyɛkuw no ne dzin mu. Nna n'ambatow mpasua no ka mbrahyɛbagua ngua 14 a New Patriotic Party amanyɛkuw no nyae fii ngua 24 mu wɔ dɛm ambatow no mu wɔ Brɔn na Ahafo mantɔw no mu no. Dɛm ambatow no mu no, New Patriotic Party amanyɛkuw no nyaa mbrahyɛbagua ngua 230 no mu 128 ma dɛm ntsi wonyaa dɔm kɛse no.Wɔdze amba 23,426 paaw no wɔ amba dodow 45,308 a wɔtowee nyina mu nna a ogyina hɔ ma amba ne nyina no mu 51.7%. Wɔpaaw ɔno na wogyaaw Christina Atakora Mensah a ofi National Democratic Congress amanyɛkuw no mu, Benjamin Osei Kufour a oenngyina amanyɛkuw biara dzin mu na Commey Kingsley a ofi Convention People's Party amanyɛkuw no mu no. Woyinom mu biara nyaa amba dodow a wɔtowee no mu 42.60%, 4.60% and 1.20%.

Wɔsanee towee maa no wɔ afe 2008 Ghana ambatow kɛse no mu bre a onyaa amba dodow 45,642 a wɔtowee no mu 24,162 a nna ogyina hɔ ma 52.9%. Wɔtowee maa ɔno na wogyaaw Mohammed Kwaku Doku a ofi National Democratic Congress amanyɛkuw no mu no, Stephen Keabena a ofi Democratic People's Party amanyɛkuw no mu no nna Seth George Mensah a ofi Convention People's Party amanyɛkuw no mu no. Woyinom mu biara nyaa amba dodow a wɔtowee no mu 46.16%, 0.30% na 0.60%.

Nankasa N'abrabɔ

Robert awar awo baanan

Mboaedze

. Ɔyɛ Christiannyi(Pentsecost Asɔr).