Reverend John Teye Memorial Institute
| Inception | Ɔbɛsɛ 1973  |
|---|---|
| Country | Ghana |
| Located in the administrative territorial entity | Greater Accra Region, Ga North Municipal District |
| Coordinate location | 5°40′11″N 0°16′14″W |
| Edwumayɛbea nkorbata | Ofankor |
| Operator | Ghana Education Service |
| Hɔn wɛbsaet | https://www.johnteye.edu.gh/ |
Ɔsɔfo John Teye Nkaedzi Skuul no yɛ ankorankor Kristofo skuul a ɔwɔ Ofankor wɔ Greater Accra Mantɔw mu wɔ Ghana. Skuul no yɛ dza wonyim no yie wɔ Ghana wɔ nye sika a wɔdze ma na Ɔsɔfo John Teye Nkaedzi Skuul Band a wɔtaa frɛ hɔn dɛ wɔmbɛbɔ ndwom wɔ mber ahorow mu a ɔman no mu nhyiam ahorow ka ho (national events).
Abakɔsɛm
[sesa mu | sesa ekyirsɛm]Lawrence John Teye na ɔhyɛɛ skuul no ase wɔ bosoom Ɔbɛsɛ afe 1973 mu. Nna John Teye yɛ ɔkyerɛkyerɛfo wɔ Accra Girls Senior High School wɔ afe 1960 mfe no mu. Ɔhyɛɛ John Teye Maths na Piano Kuw ase wɔ nye tsenabew wɔ Kotobabi, Accra kurotsia. Ahyɛase no nna wɔhwɛ do dɛ skul ekyi kuw. Ɔbɛyɛɛ dza nkurɔfo enyi gye ho araa ma wɔkyerɛɛ adzesua afofor pii dze kaa Ndwom na Piano ho. Nkɔdo a ɔkɔɔ do na adzesua ho ahwehwɛdze wɔ kurow no mu no maa John Teye hyehyɛɛ skuul no.[1]
Nwomasua ho adzesua
[sesa mu | sesa ekyirsɛm]Skuul no wɔ afa anan (4). Hɔn mu bi nye Lower Primary na Upper Primary a ɔhwɛ Mfe kor (1) kɛsi ebaasa (3) na Mfe anan (4) kɔsi esia (6). Wɔakyekyɛ Nsɔwdo ɔfa no nso mu ayɛ no Junior High Skuul na Senior High Skuul. Senior High Skuul no dze nhyehyɛɛ anan (4) a ɔkɔ West African Senior High School Certificate Examination mu ma.[2]
Ndwom
[sesa mu | sesa ekyirsɛm]Skuul Ndwomtofo Kuw a wonyim hɔn yie wɔ Ghana ber a wɔtaa dze hɔn ho hyɛɛ ɔman Tɛlɛbihyɛn do na ɔman no mu nhyiam ahorow ase ekyi no kɔɔ Europa akwantu wɔ afe 2002 mu, wɔserasera Germany, Denmark, Netherlands, Switzerland na United Kingdom. Wɔabɔ ndwom nso wɔ aman a ɔbɛn Ghana no bi mu, a ɔnye Togo na Cote d’Ivoire. Kuw no nso akɔ Harrogate Amanaman Ntamu Mbabun Ndwom Afahyɛ (Harrogate International Youth Music Festival) wɔ afe 1993 na Shrewsbury Amanaman Ntamu Ndwom Afahyɛ (Shrewsbury International Music Festival) wɔ afe 1996. Wɔasan nso eyi ndwom nhoma ahorow a "Ɔtse ase (He lives)" na "Fa Me Dzi Dwuma Wɔ Wo Wenyin Ture Mu (Use Me In Thy Vineyard)" ka ho.[3]
Mboa
[sesa mu | sesa ekyirsɛm]Skuul no nya mboa fir mbea ahorow. Wɔ afe 2002 mu no, kan skuulnyi bi, Kennedy Asante Osei, a nna ɔyɛ skuunyi na General Manager wɔ Despite Media Group boa ma wɔsiesiee skuul nwomakorabea no. Mprempren wɔfrɛ nwomakorabea no "Kennedy Asante Osei Adzesua Bea" de hyɛ no enyimyam.[4][5]
Alumni etsitsir (Notable alumni)
[sesa mu | sesa ekyirsɛm]Hwɛ iyi nso
[sesa mu | sesa ekyirsɛm]Mboaedze
[sesa mu | sesa ekyirsɛm]- ↑ "How it all began". Rev. John Teye Memorial Institute. 10 August 2017. Retrieved 19 January 2021.
- ↑ "Academics". www.johnteye.edu.gh. 11 August 2017. Retrieved 19 January 2021.
- ↑ "GRi Newsreel 01 - 06 - 2002". www.mclglobal.com. 1 June 2002. Retrieved 19 January 2021.
- ↑ Ohene, Ernest (20 February 2020). "Rev John Teye Memorial School names School library after Ken Asante Osei, Despite's son..Pics+Video!". Pinax News. Retrieved 19 January 2021.
- ↑ "Despite Media Group GM Gives Back To His Alma Mater, Rev. John Teye Institute". Peacefmonline.com - Ghana news. Retrieved 19 January 2021.