Peter Boakye-Ansah

Peter Boakye-Ansah (29 July 1949 – 19 July 2018). Nna ɔyɛ Ghana ɔmanyɛnyi na mbrahyɛbaguanyi wɔ mbrahyɛbagua a odzi kan na dza ɔtɔ do ebien wɔ aban a ɔtɔ do anan mu wɔ Ghana. Nna ɔyɛ mbrahyɛbaguanyi ma Ejura Sekyedumasi ambatow mpasua fitsi Sanda 7, 1993 kesi Sanda 6, 2001 mu.

Abrabɔ ahyɛase na nwomasua

Wɔwoo Boakye-Ansah wɔ Fankwa 1949 mu. Okosuaa adze wɔ Osei Tutu Ntsetseebea na onyaa Akyerɛkyerɛfo Ntsetsee Adansedzi Nwoma na Bonsu Kuayɛ Ntsetsee Skuul na wɔtsetsee no ma ɔbɛyɛɛ Kuayɛ dwuma boafo.

Edwuma na amanyɛsɛm

Ansaana Boakye-Ansah rokɔ amanyɛsɛm mu no, nna ɔyɛ Kyerɛkyerɛnyi. Nna ɔyɛ ɔmansin kyerɛwfo ma Ejusu Sekyedumase mansin ansaana ɔrokɔ mbrahyɛbagua mu. Ɔhyɛɛ edwuma ase dɛ mbrahyɛbaguanyi wɔ mbrahyɛbagua a odzi kan wɔ aban a ɔtɔ do anan mu wɔ Ghana wɔ Sanda 7, 1993 ber a wɔdaa no edzi dɛ oedzi nkonyim wɔ afe 1992 Ghana mbrahyɛbagua ambatow a ɔkɔr do wɔ Mumu 29,1992 mu no dɛ National Democratic Congress kuwba. Afe 1996 Ghana ambatow kɛse mu no, Boakye-Ansah gyinaa maa Ejura Sekyedumase bio na onyaa amba 16,992 a ogyina hɔ ma 62% fi amba dodow a wɔtoow no mu. Ɔsoom dɛ mbrahyɛbaguanyi maa Ejura-Sekyedumase ambatow mpasua fitsi Sanda 7, 1993 kesi Sanda 6, 2001. Sampson Atakora a no so wɔ NDC bɛhyɛɛ n'ananmu.

N'abrabɔ mu nsɛm na owu

Boakye-Ansah yɛ Christianyi. Yarba bi bɔɔ no ma owui wɔ Ayɛwoho 19, 2018.