Nana Aba Appiah Amfo

Nana Aba Appiah Amfo

human

Bɔbea	female
Ɔman a ofir do	Ghana
Dzin a wɔdze ama no	Nana
Ebusua dzin	Appiah
Kasa ahorow a ɔka,	English
N'edwuma	academic, linguist, academic administrator
Employer	University of Ghana
Dzibew	Category:Vice-chancellors of the University of Ghana
Ɔkɔr Skuul Wɔ	University of Ghana, Archbishop Porter Girls Senior High School, Holy Child High School, Ghana, Norwegian University of Science and Technology
Abawdobɔ a ɔwɔ	Fellow of the Ghana Academy of Arts and Sciences

Nana Aba Appiah Amfo (wɔwoo no Fankwa 30, 1971) yɛ Kasa ho Adzesua na Nhwehwɛmu wɔ Ghana, Suapɔn mu Panyin na seseiara Panyin Paara a Ɔda Suapɔn no nyina ano (Vice-chancellor) dze ma Ghana Suapɔn a wɔfrɛ no University of Ghana no. Ɔno nye basia woeyi no dɛ Panyin Paara a Ɔda Suapɔn University of Ghana nyina ano a odzi kan na Ghana nyina so ɔno na otsia anan. Ansaana ɔrebɛyɛ Panyin Paara a Ɔda Suapɔn no nyina ano no, nna ɔno nye Pro-Vice-Chancellor a ɔhwɛ Nwomasua na Esuafo ho nsɛmsɛm do wɔ University of Ghana Suapɔn a ɔwɔ Ebibir Anee Afamu no mu.

Abrabɔ Ahyɛse na nwomasua

Wɔwoo no wɔ Kumase. Nana Aba Appiah Amfo nyaa no nwomasua ahyɛse wɔ University Primary School (KNUST Basic School), Services Primary School wɔ Takoradze na Goldfields School Complex wɔ Tarkwa. Amfo kɔr no nsɔwdo skuul wɔ Holy Child School dze nyaa ne 'O’ Level nwomasua na ekyir yi ɔkɔr Archbishop Porter Girls’ Secondary School dze nyaa ne A’ Level. Ɔtoaa do kɔr University of Ghana dze nyaa ne Bachelor abodzin nkrataa wɔ French na Linguistics mu. Owiee Norwegian University of Science na Technology wɔ Trondheim, Norway wɔ 2001 mu na onyaa MPhil degree wɔ Kasa ho Adzesua na Nhwehwɛmu mu na onyaa PhD degree wɔ 2007 fii Suapɔn kor noara mu wɔ Kasa ho Adzesua na Nhwehwɛmu ara mu.

Edwuma

Amfo hyɛɛ n'edwuma ase dɛ Suapɔn mu kyerɛkyerɛnyi wɔ Department of Linguistics wɔ University of Ghana wɔ afe 2001 mu. Ekyir no ofii hɔ kɔtoaa n'adzesua do wɔ Norway, ɔsan baa Ghana na ɔtoaa do kyerɛɛ adze wɔ University of Ghana. Wopegyaa no ma ɔbɛyɛɛ Suapɔn mu Ɔkyerɛkyerɛfo Panyin wɔ afe 2007 mu, dɛm afe noara na onyaa ne PhD so. Ɔbɛyɛɛ associate professor wɔ afe 2011 mu, na Okunyin wɔ afe 2017 mu. Woyii no dɛ ɔmbɛyɛ executive committee member wɔ Fédération Internationale des Langues et Littératures Modernes. Nana Aba Amfo soom dɛ  Pro Vice-Chancellor ma ɔhwɛɛ Nwomasua na Esuafo Ho Nsɛnsɛm do wɔ University of Ghana Suapɔn mu fitsi Ɔberɛfɛw 2019 kesi Ayɛwoho 2021 mu. Ayɛwoho 2021 mu no, woyii no dɛ onkegyina mu dɛ Panyin Paara a Ɔda Suapɔn no ano. Onyaa Professional Management ho ntsetsee so wɔ  University of Applied Sciences, a ɔwɔ Germany, INSEAD na Harvard Business School. Ɔsoom dɛ Oguamutsenanyi wɔ Department of Linguistics (2013–14) na Panyin a ɔda School of Languages ano. Amfo soom dɛ ɔfotufo kuw nyimpa maa Coalition of People Against Sexual and Gender-Based Violence and Harmful Practices (CoPASH) wɔ  UNFPA no mboa a onyae ho.

Kuw ahorow a nna odzi akotsen wɔ mu.

• Member, Society of Communication, Medicine and Ethics

• International Pragmatics Association (first African to be a Consultation Board member in the Association's history)

• West African Linguistics Society

• Linguistics Association of Ghana (President, 2010–2014)

• Foundation Fellow, African Humanities Program of the American Council of Learned Societies

• Fellow, German Academic Exchange Service (DAAD)

• Commonwealth Professional.

Nhwehwɛmu

Amfo no nhwehwɛmu ngyina nyinara na ɔwɔ linguistic sub-discipline of Pragmatics mu.

N'abrabɔ

Nana Aba nye abakan no nuanom baanan mu . Ɔno na no kun, Frank Amfo woo mba baasa a wɔnye, Yoofi, Maame Araba na Efuwa Benyiwa. .

Agor a ɔdze yɛ n'ahomgye

Sɛ Owurayer Amfo pɛ dɛ ɔgye n'ahom a agor a ɔtaa dzi nyɛ tɛnese. Ɔbɛsɛ bosoom no mu wɔ afe 2025 mu no, ɔno na onyaa University of Ghana Corporate Tennis Championship abawdobɔdze no.