Kar akwanhyia a ɔkɔ do wɔ Ghana nyinara ne hankyɛmu du(10%) fir kar no ne 'tyre'-NSRA.[sesa mu | sesa ekyirsɛm]

Owura Dennis Yakubu, Ɔhwɛfo Panyin, Pɔwbɔfo na Programmes Directorate a ɔwɔ National Road Safety Authority(NSRA), dɛ akwanhyia ahorow a ɔkɔ do wɔ Ɔman Ghana mu no hankyɛmu du(10%) fir kar ne 'tyres' asɛɛsɛe ho.

Ɔkɔr do tuu hɛnkafo fo dɛ wɔnhwɛ nsiesie hɔn 'tyre' dɛ mbrɛ ɔbɛyɛ a wobotum esiw akwanhyia kwan.

Owura Yeribu kaa nsɛm bi Fida ber a 'Stay Alive Campaign' a NSRA a Vulco ka ho na Ghana Police Service taa hɔn ekyir no rokɔ do. Ber a ehyiadze yi rokɔ do no, kuw no dzii 'tyre' dwuma bi a wɔhwɛɛ siesiee hɔn a wokitsa hɔn ankasa hɔn hɛn ahaenum. Wɔsan so kyɛɛ kwan a wɔbɛfa do abɔ 'tyre' ho ban na wɔtoaa do bɔɔ kwan bambɔ ho dawur.

Wowiee 'tyre' nhwɛɛ no, kuw no bɔɔ hɛnkafo kɔkɔ dɛ wɔnhwɛ mbɔ hɔn 'tyre' ho ban na wɔdze ho akadze so maa hɔn.

Owura Yeribu kaa dɛ, dza no ho hia papaapa wɔ akwan do bambɔ nye 'tyre' a hɔn a wɔdze akwan dzi dwuma, a dza ɔyɛ yaw nye dɛ wɔmmfa hɔn adwen mpo nkɔ do.

Ɔkaa dɛ, wɔbɔkɔ do abɔ 'tyre' bambɔ no wɔ mantɔw nyinara wɔ Ɔman yi mu, dze kaa ho dɛ, ɔnnkyɛr biara wɔbɛyɛ dɛm ayɛkyerɛ yi so ama amansan hɛnkafo so.

Owura Yeribu kaa dɛ dza wonyaa fir dwumadzi no mu bɛyɛ ahyensewdze ama daakye nhyehyɛɛ na adzesua ahorow a yɛdze hɛn enyi betsim do dɛ ɔbɔboa kwan do bambɔ ho.

Ɔdaa Vulco na Aporisifo ase wɔ mboa a wɔdze aboa hɔn na wɔdaa ahɛnkafo no so ase dɛ wɔsɛɛ hɔn adagyer betsiee dɛm nkyerɛkyerɛ no.

Ahɛnkafo no so daa NSRA ase dɛ wɔdze dɛm nkyerɛkyerɛ no maa hɔn.

Owura Shakti Shukla, National Retail Manager wɔ Vulco kaa dɛ, ne nhwehwɛmu ama oeehu dɛ, bɛyɛ ahɛn 'tyres' hankyɛmu eduosia-enum kesi hankyɛmu eduosuon na wokitsa awɔwber 'tyres' a nkyɛ ɔwɔ dɛ wokitsa ɔhyewber 'tyres' a oye ma Ghana wimu tsebea yi.

Ɔhyewber 'tyres' kitsa 'dedicated rubber compund' bi a ɔbɔ 'tyre' ho ban dɛ ɔyɛ awɔw anaa ɔhyew ber tsebea. Afa kor so no, awɔwber 'tyres' no tum kyer kwan a esukwankyɛba akata do.

Nhwɛdo[sesa mu | sesa ekyirsɛm]

GNA