Mperwa Nyinsen

Mperwa nyinsen nye dɛ basia a onndu ne mpanyin mfe do nye banyin ekedzi ehyia ma nyinsen aba. Tsetse no nna basia a wɔnngor no bra ma banyin mbɔwar no na ɔfa efur a wɔse wɔaper no ho akɛfa nyinsen. Ndɛ mber yi, basia a ɔnnso no ho hwɛ na sɛ ɔkɛfa efur a wɔka kyerɛ no dɛ ɔakɛfa mperwa nyinsen. Awarfo binom tum kɛfa mperwa nyinsen. Iyi ba wɔ ber a awarfo no nnyɛ ahoboa na krado dɛ na nyinsen no aba awerɛfir mu. Wɔ hɛn addzesua wɔ ha yi, yɛbɔhwɛ mbofra a wɔedzi mfe duebien(12) dze rekɛpen mfe eduonu(20). Sɛ dɛm nyimpaku a ɔman biara ka dɛ hɔn nye ɔman no ne daakye kɔfa efur na woenntum ennsua edwuma anaa wɔannsɔn hɔn adzesua wɔ skuul a, ɔdze ɔhaw bebree brɛ nyimpa no ara hɔn awofo, ebusua a wɔda mu, kurow a wɔtse mu ɔnye ɔman mu no nyinara.

Ndzɛmba pii na ɔma mbofra a wɔnnso awar nye awoo kɔ kɔfa efur. Wɔ dɛm ndzɛmba ahorow yi yɛbɛfa no mu kakra na yɛakyerɛ mu wɔ ha. Dɛ ndzɛmba yi bi na odzidzi do yi;