Mansa Nettey

Mansa Nettey yɛ Ghana Sikakora krakye. Ɔyɛ edwumakuw panyin (CEO) a odzi kan a Standard Chartered Bank a ɔwɔ Ghana paaw no. Owurayer Mansa Nettey a woyii no bɛhyɛɛ Owura Kweku Bedu-Addo a wɔpaaw no dɛ CEO, wɔ South Africa na Southern Africa anan. Ne mpawee no sii Bola Adesola n'asɛm do dɛ: "M'enyi agye dɛ merema Mansa dɛ Basia CEO odzi kan wɔ Standard Chartered Bank wɔ Ghana. Ne nyansaa na n'adwenmu a atsew wɔ guadzi ho no bɔboaa Ghana ndwuma kankɔ. Mepɛ dɛ meda Kweku ase wɔ n'akandzi wɔ Ghana ndwuma mu dɛm mfe esia yi mu na mema no tsir nkwa wɔ ne dzibew fofor yi mu". Ka n'edwuma no ho no, ɔdze amandzɛɛ bɔkɔ ekesi Bola Adesola CEO, Nigeria na West Africa no ara nsamu. Onyaa ne Mpanyimfo nsɔwdo nwomasua wɔ Achimota Skuul ansaana ɔrokɔ akɛyɛ ne degree wɔ Kwame Nkrumah University of Science and Technology a hɔ na opuee dɛ oduyɛnyi (pharmacist) na ne master's degree wɔ Manchester Business Skuul.

Owurayer Nettey enya sikakora ho ntsetsee mfe du-akorɔn na oedzi mpanyindzi pii wɔ sikakorabea ahorow mu. Ɔka Standard Chartered Bank Nigeria Limited apamfo no ho dɛ Ɔkwankyerɛfo panyin. Ɔno na ɔdze Leukemia Project Foundation a ɔwɔ Ghana no bɔbɔɔ adze. Otumii yɛɛ iyi ber a otumii koo dɛm leukemia yarba yi mfe pii.

Nwomasua

Mansa Nettey kɔr skuul wɔ Achimota Skuul na Kwame Nkrumah University of Science and Technology wɔ Ghana a hɔ na onyaa ne degree a odzi kan. Ekyir no onyaa ne MBA wɔ Manchester Business Skuul.

Edwuma

Ɔhyɛɛ ne sikakora edwuma ase dɛ 'Relationship manager' wɔ Standard Chartered Bank. Nna ɔyɛ amanadze nsesae panyin wɔ Ghana. Nna ɔyɛ amanadze nsesae panyin (foreign exchange sales) wɔ Ghana na West Africa nyinara. Nna ɔsanso yɛ Ghana sikasɛm nyinara panyin. Ɔyɛ Kwankyerɛfo panyin wɔ Standard Chartered Bank a ɔwɔ Ghana na non-executive director of the board wɔ Standard Chartered Bank a ɔwɔ Nigeria. Afe 2017 mu no, wɔpaaw no dɛ CEO wɔ Standard Chartered Bank, na sesei odzi dɛm dzibew no.

Abawdobɔdze na dza oenya

Owurayer Nettey dzii sikakora kuw bi enyim maa wɔmaa Ghana sikasɛm gua no tuu mpɔn. Ɔnye Leukemia dzii ako mfe pii wiee no, Mansa Nettey dze Leukemia Project Foundation a ɔwɔ Ghana no bɔbɔɔ adze.