Mabel Agyemang

Mabel Maame Agyemang (née Banful; a nna wɔfrɛ no Yamoa) yɛ mprenpren yi Chief Justice wɔ Turks na Caicos Islands. Ɔyɛ Superior kɔɔto asɛndzinyi a ɔakwadar wɔ asɛndzi edwuma no mu a atra mfe du, Justice Agyemang soom wɔ Ghana aban asɛndzikuw mu, Gambia na Eswatini wɔ ne mprenpren dzibew wɔ Turks na Caicos Islands. Nna ɔyɛ basia Chief Justice a odzi kan wɔ Gambia.

Asɛndzi edwuma

Afe 1987 na wɔpaaw Justice Agyemang kɔr Ghana Bar no mu a annkyɛr na ɔkɔtoa do. Ɔyɛ Ghana sɛndzinyi no, ɔsoom wɔ asɛndzi dwuma ahorow mu na ɔtsenae atsɛmbu ahorow mu a Nkran, Oguaa, Koforidua, Kumasi, na Tema ka ho. Ɔsanso soom dɛ mampanyin edziekyir wɔ Ghana Magistrates na Asɛndzifo fɛkuw no mu wɔ afe 1996 kɛpem afe 2000. Afe 2002 mu na wɔtoo ne dzibew mu kɔr High Court.

Commonwealth Secretariat Judge

Ɔhyɛɛ ase yɛɛ edwuma maa Commonwealth Secretariat dɛ expert judge wɔ 2004, odzikan no a wɔnye no kɔr Gambia a hɔ na Odzii mfe anan dɛ High Court judge. Ne mfe anan no mu wɔ Gambia no, Justice Agyemang soom asaase, Civil, Commercial na Criminal divisions na ɔdze nkunyimdzi wiee nkrataa ahaebiasa na eduosia enum. Afe 2008 mu no, wɔnye no kɔr Eswatini na hɔ na ɔsoom mfe ebien. N'asɛndzi wɔ Eswatini pegyaa ankonam na ɔdodow mbra nyinara a enyimtsia, kyer a ɔmmfa mbra mu, polisi bor na abatow ntokwa ka ho. N'asɛndzi a ayɛ nkae kor wɔ Eswatini no yɛ nwomasua a wonya no kwa ho. Justice Agyemang saan baa Gambia wɔ 2010, a nna ɔda ho nye Commonwealth Secretariat yɛ edwuma, expert Appeal kɔɔto ɔsɛndzifo.

Chief Justice wɔ Gambia

Afe 2013 Dzifuu bosoom mu na wɔpaaw no dɛ Chief Justice wɔ Gambia. Dodowara hun ne mpawee no dɛ adze papa dɛ amanadze nkurow nyinara nyim no dɛ ɔsɛndzinyi a ɔakwadar na wotum dze ho to no do. Ɔsoom kɛpem dɛ woyii no wɔ afe 2014 Kwakwar bosoom mu. Gambia aban no amma nyiano papa biara wɔ ne mpamee no ho. Dodowara so na wɔka dɛ wɔpam no osian human rights abuse asɛm bi a okedzii na judicial independence ntsi.

Ɔbaa Ghana (Court of Appeal)

Ne mbae a ɔbaa Ghana no, nna wɔkaa ntam guu Justice Agyemang dɛ Justice wɔ Ghana Court of Appeal mu. Afe 2015 ne bosoom a otsia du do no, ber a ɔrekasa wɔ new judicial complex guabɔ ase wɔ Nkran no, Ghana mampanyin John Dramani Mahama dze Justice Agyemang yɛɛ mfatoho wɔ asɛndzifo a hɔn dzibew wɔ sor enyim wɔ Ghana asɛndzikuw no mu.

Chief Justice wɔ Turks na Caicos Islands

Afe 2020 Kwakwar bosoom mu no, Nigel Dakin, Ambrado wɔ Turks na Caicos Islands, yii asotsir wɔ Justice Agyemang ne mpawee dɛ Chief Justice wɔ Turks na Caicos Islands. Ne nkaabɔ mu no, Ambrado Dakin kaa Agyemang's ne mpofirmu wu wɔ Gambia 2014.

Oye dɛ yɛbɛka biribi afa no wu ho fi n'asɛdze ho wɔ Gambia. Iyi yɛ enyimnyamhyɛ a ɔda ne nsew. Ogyinaa maa ankonam kasa - Ebibirmu mbanyin a hɔnho yɛ dzen no mu kor - Yayra Jammeh - a ne mfe eduonu ebien adzedzi baa ewiei wɔ 2017. Ahoɔdzen na enyimnyam mu, ɔyɛɛ dɛ ɔbɔbɔ asɛndzii ho ban efi mpanyjmfo a wɔmmfa enyidze mmba ho.

Ɔtoaa do dɛ, ɔkae dɛ, "nkyerɛkyerɛ mu a Bar Council a ɔwɔ Gambia dze bae", wɔ ne bo a ɔsom na ne dzibew ho ho:

Ɔyɛ Chief Justice no, nna n'enyi tsim asɛndzii ho, dɛ mboa a ɔdze boa asɛndzifo, Bar Association na asɛndzi kuw no. Ɔdze pɛpɛryɛ amambra bi wuraa hɔn wɔ asɛndzi no mu. Asɛndzifo edwuma abrabɔ sesae, na wɔbɛyɛɛ edwumayɛfo hɔn enyi kom hɔn edwuma ho yie. Nna ɔyɛ obiara dɛ ɔbɛba edwuma dabaa na noara yɛ mfatoho. Ɔdze nsesa ahorow too gua ama mansotwefo enya pɛrpɛr atsɛmbu na atsew pɛrpɛryɛ atsɛmbu a ɔmmba ntsɛm do. — 

Afe 2020 Ebɔw 30 na wɔkaa ntam guu Justice Agyemang do dɛ Chief Justice wɔ Turks na Caicos Islands na ɔkɔr ɔfese wɔ afe 2020 Ebɔwbira 1.

N'abrabɔ

Justice Agyemang yɛ Kristianyi mapa na ɔawar kitsa mba ebien.