Kwasi Annoh Ankama

Kwasi Annoh Ankama

human

Sex or gender	male
Country of citizenship	Ghana
Given name	Kwasi
Date of birth	1 Obiradzi 1957
Place of birth	Ghana
Date of death	1 Ayɛwoho 2010
Place of death	London
Languages spoken, written or signed	English
Occupation	lawyer, politician
Position held	Member of the 5th Parliament of the 4th Republic of Ghana
Educated at	University of Ghana
Member of political party	New Patriotic Party
Religion or worldview	Christianity

Kwasi Annoh Ankama (1 Obiradzi 1957 – 1 Ayɛwoho 2010) yɛ Ghana mbranyimnyi (lawyer) ne amanyɛnyi. Nna ɔyɛ Atiwa Ampatow mpasua no Mbrahyɛbaguanyi na Ɔman Ho Dɔ Kuw Foforo (New Patriotic Party) no munyi. Owui ber a na ɔwɔ dzibea wɔ aban ananmusinyi bi a wɔkɔɔ London mu no. Kwesi Amoako Atta na ɔdzii n’adze dɛ mbrahyɛbaguanyi.

Ɔbra Ahyɛase na Nwomasua

Wɔwoo Kwasi Ankama wɔ Abomosu wɔ Ghana Epuei Mantɔw mu. Ɔnyaa Bachelor of Arts abɔdzin krataa wɔ Mbra na Amanyɛsɛm mu wɔ Ghana Esuapɔn (University of Ghana, Legon), wɔ afe 1984 mu. Afei ɔkɔɔ Ghana Mbra Sukuu, (Ghana School of Law, Makola - Accra) na ɔwiee wɔ afe 1986. Ɔnyaa adzesua ekyi abɔdzin krataa wɔ Adan Ho Mbra mu (post-graduate diploma in Housing Law) wɔ London Esuapɔn mu (University of London) wɔ afe 1997 mu.

Edwuma na Amanyɛsɛm

Annoh Ankama yɛɛ edwuma dɛ mbranimnyi (lawyer) na nna ɔyɛ Ɔmanpanyin John Agyekum Kufour Boafo Tsitsir (Special Assistant).

Wɔ afe 2008 mu no, ɔsii akan na ɔdzii nkonyim wɔ Atiwa ambatow mpasua no mu dzenam amba 26,423 a ɔnyae wɔ amba 34,570 a ɔfata a wɔtow no mu, a ɔyɛ ambatow no ɔha mu nkyekyɛmu 76.4%. Annoh Ankama som wɔ mbrahyɛ bagua boayikuw ahodo mu, a ebi nye Mbrahyɛ Bagua Boayikuw (Subsidiary Legislation Committee), Atemmuo Boayikuw (Judiciary Committee) na Mbrahyɛ Bagua no Mpɔtam Aban na Nkuraase Nkɔdo Boayikuw (Local Government and Rural Development Committee of Parliament) ka ho.

Nye mbrahyɛ bagua atenae no, Joyce Bamford-Addo, a na ɔyɛ Mbrahyɛ Bagua no Kasafo saa ber no, ɔkae dɛ ɔda mpan wɔ 7 Ayɛwoho 2010. Kwesi Amoako Atta na odzii nkonyim wɔ ambatow fofor a wɔyɛe dze hyɛɛ nkongua a ɔda hɔ kwa no ma.

N'abrabɔ

Annoh Ankama war na ɔwɔ mba ebiasa (3). Na ɔyɛ Kristonyi na nna ɔyɛ Katolek Asɔre a ɔwɔ Ghana no munyi.

Owuo

Wɔ Obiradzi afe 2010 mu no, na Annoh Ankama ka aban ananmusifo a wɔtuu kwan kɔɔ United Kingdom kɔhwehwɛɛ amanyɛsɛm mu nkɔmmɔdzi no ho. Ɔyaree wɔ akwantuo no mu na wɔdze no kɔɔ ayaresabea bi wɔ London, nanso owui ber a na ɔrenya ayaresa wɔ bosoom Ayɛwoho da a edzi kan (1). Wɔsan dze nye funu kɔɔ Ghana dɛ wɔrekɔsie no wɔ Dzifuu da a ɔtɔ do eduonu (20), na wɔsiee no ekyir wɔ saa bosoom no mu.