Jump to content

Koodiyattam

Fi Wikipedia
Koodiyattam
type of dance, performing arts genre
CountryIndia Sesa mu
Intangible cultural heritage statusRepresentative List of the Intangible Cultural Heritage of Humanity, Masterpieces of the Oral and Intangible Heritage of Humanity, National List for Intangible Cultural Heritage (ICH) Sesa mu
Described at URLhttps://ich.unesco.org/en/RL/00010, https://ich.unesco.org/fr/RL/00010, https://ich.unesco.org/es/RL/00010 Sesa mu

Koodiyattam (Malayalam: கியித்தம்; IAST: kūṭiyāṭṭaṁ; lit. ‘adzeyɛ a wɔaka abomu’) yɛ atsetsesɛm mu agodzi edwindze a ɔwɔ Kerala mantɔw mu, India. Ɔyɛ tsetse Sanskrit agodzi a wɔdze Koothu, tsetse agodzi edwindze a ofi Sangam ber do no mu ndzɛmba a wɔaka abɔ mu. UNESCO agye ato mu wɔ aban kwan do dɛ Adasamba Egyapadze a Wɔdze Anom na Ma Wonntum Nnhu no Edwindze a ɔyɛ Fɛw.

Abɔse[sesa mu | sesa ekyirsɛm]

Koodiyattam a kyerɛ ‘agordzi a wɔaka abom’ wɔ Malayalam kasa mu no dze Sanskrit agorhwɛbea dwumadzi na koothu mu ndzɛmba bom. Wɔyɛ no wɔ asɔrdan mu agoprama ahorow a wɔfrɛ no koothambalams mu. Ɔno nkotsee nye edwindze a ɔda ho ara wɔ hɔ a ɔdze ahwɛgor a ofi tsetse Sanskrit agorhwɛbea dzi dwuma. Wɔ abakɔsɛm a wɔakyerɛw ato hɔ mfe apem wɔ Kerala, naaso wonnyim n'ahyɛse. Nná Koodiyattam na Chakyar koothu ka asaw som a wɔyɛ no ahwɛgor wɔ tsetse India asɔrdan ahorow mu, tsitsir Kerala, ho. Koodiyattam na Chakyar koothu nyinara fi tsetse edwindze koothu a wɔaka ho asɛm mpɛn pii wɔ Sangam nhoma ahorow mu, nye Pallava, Pandiyan, Chera, na Chola mber a odzii hɔ no ho nkyerɛwee ahorow mu. Wobotum ehu nkyerɛwee a ɔfa koothu ho wɔ asɔrdan ahorow a ɔwɔ Tanjore, Tiruvidaimaruthur, Vedaranyam, Tiruvarur, na Omampuliyur mu. Wɔyɛɛ hɔn dɛ ɔsom dwumadzi ahorow ne fa tsitsir, ka Tevaram na Prabandam ndwom a wɔto ho.

Tsetse ahemfo ka hɔn a wɔakyerɛw hɔn dzin dɛ hɔn a wɔkyerɛw nhoma ahorow maa dɛm ndwuma yi ho. Adanse wɔ hɔ a ɔkyerɛ dɛ iyinom wɔ tsetse asasepɔn no nyinara do wɔ Chola na Pallava ber do. Wɔaka dɛ Pallava hen bi a wɔfrɛ no Rajasimha na ɔkyerɛw agor a wɔato dzin Kailasodharanam wɔ Tamil kasa mu, a asɛntsir nye dɛ Ravana bɛbrɛ no ho ase ahyɛ Siva ebufuw ase na wɔbrɛ no ase a mbɔborohun nnyi mu wɔ iyi ho.