Kokui Selormey Hanson
Kokui Selormey Hanson
[sesa mu | sesa ekyirsɛm]Kokui Selormey Hanson, a dodow ara nyim no dɛ Kokui Selormey (wɔwoo no Ɔbrɛfɛw 4,1978) yɛ Ghana dawurbɔ mu nyimpa tsitsir. Odzi kasa dwuma wɔ tɛlɛbihyɛn do, ɔhwɛ nhyehyɛe a ɔda telebihyɛn na dawurbɔ ho dwumadzi do, ɔyɛ ɔdwontownyi saanso yɛ obiedwumayɛnyi(entrepreneur).
No Skuul ho Nsɛm
[sesa mu | sesa ekyirsɛm]Kokui n'egya yɛ Victor Selormey a nna ɔyɛ manyɛnyi. Ɔkɔr nhyease skuul wɔ Ridge Church school na otoaa do wɔ Holy Child School, Cape Coast. Osuaa adze kakra wɔ Allen Academy, Texas ansaana ɔrokosuaa Ndwom na Seneyɛ wɔ Spelman College, Atlanta. Owiei no ɔsanee kɔr New England Conservatory of Music (NEC),Boston. Hɔ na onyaa ne esuapɔn abɔdzin kɛse. Kokui yɛɛ civil servant wɔ afe 2009 mu. Ɔtoaa do nye Citi FM kɛyɛɛ edwuma wɔ dawurbɔ mu. Odzi kasa dwumadzi wɔ Citi TV, a wɔfrɛ no Citi Breakfast Show. Ɔnye Patrice Amegashie yɛɛ Viasat 1 hɔn anapa dwumadzi a nna wɔfrɛ no This Morning wɔ afe 2012 dze kodu afe 2016. Ɔno so na nna ɔyɛ kasadwumadzi yɛfo ma Healthline, dwumadzi a Vodafone Ghana na wosuo n'asen mu anaa wɔboa. Ɔsanee so yɛɛ edwuma wɔ Kwesé TV wɔ aber a ɔhwɛ kasadwumadzi Head Start, Home Run na Final Whistle do.
Ɔban n'edwuma dɛ ndwomtow edwuma mu a, Kokui atow ndwom wɔ Nubel Noel albɔm do. Wɔ dɛm albɔm yi do na ɔnye South Africa ɔdwontownyi mapa Hugh Masekela yɛɛ edwuma. Na ɔwɔ enyidado dɛ ɔnye obedzi ndwontow ho dwuma kɛse bi wɔ Ebibifo Ndwom mu.
Wɔ afe 2014 mu no, woyii no dɛ Ghana ananmusinyi ma Philip Avent ne mfe eduasa ho afrenhyia. Ɔsan so yɛ brand influencer ma Vlisco wɔ Ghana na ɔsan so yɛ ananmusinyi panyin ma SKY GIRLS Ghana afe 21017 dze kodu seisei. Wɔ afe 2018 mu no, ɔhyɛɛ ase dɛ ɔreyɛ ntar, efuradze na dza wɔkeka ho ndzɛmba.
Kokui yɛɛ dɔm mu kasa ɔkasafo maa Ghana Virtual Career fair wɔ afe 2020, Ayɛwoho Bosom mu a Ghana na Germany bɔɔ mu hyehyɛe.
Kokui eyi sene bi tse dɛ 'Accra Medic'.
N'abrabɔ mu Nsɛm
[sesa mu | sesa ekyirsɛm]Wɔ afe 2011 mu no, Kokui waree Kobbi Hanson. Ɔnye no wɔ mba anan
Abawdobɔ a Woenya
[sesa mu | sesa ekyirsɛm]Kokui abawdobɔ dɛ Television Female Presenter wɔ afe 2016 mu. Wɔ dɛm afe no ara mu no, ɔsanee so gyee abawdobɔ dɛ Television Morning Show Host of the Year fii Radio and Television Awards.
No Ndwontow Edwuma
[sesa mu | sesa ekyirsɛm]Kokui na ne ndwomtow kuw yɛɛ 'Afropopera Anthology Vol 1: Negro Spirituals' a ɔyɛ hɔn ndwomtow dwumadzi a odzi kan. Kuw mba no nye Kokui Selormey, Michael Dodoo, Emmanuel Quayson, Edmund Abrokwah, Joshua Bortey na Cornelius Manor