Juliana Azumah-Mensah

Juliana Azumah-Mensah

human

Sex or gender	female
Country of citizenship	Ghana
Given name	Juliana
Date of birth	15 Obiradzi 1950
Place of birth	Koforidua
Languages spoken, written or signed	English
Occupation	politician, nurse, midwife
Position held	Member of the 6th Parliament of the 4th Republic of Ghana, Minister of Tourism of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	University of Birmingham, OLA Girls Senior High School
Member of political party	National Democratic Congress
Religion or worldview	Christianity

Juliana Jocelyn Azumah-Mensah (wɔwoo no 15 Obiradzi 1950) yɛ Ghana amanyɛnyi na ɔyarehwɛfo. Na ɔyɛ Ɔsoafo a ɔhwɛ Mbea na Mmofra Nsɛm do (Minister for Women and Children's Affairs). Ɔsan nso yɛ mbrahyɛbaguanyi ma Ho Epuei ambatow mpasua.

Ɔbra Ahyɛase na Nwomasua

Wɔwoo Juliana Azumah-Mensah wɔ Koforidua, Ghana Epuei Fam Mantɔw ahenkurow mu. Wɔ afe 1956 na afe 1964 ntsam no, ɔkɔɔ Roma Katolek (Roman Catholic Primary) na Mpɔtsam Aban Finimfin Sukuu (Local Authority Middle Schools) a ɔwɔ Agortime-Kpetoe wɔ Volta Mantɔw mu no. Ɔnyaa nye ntoado sukuu wɔ OLA Mbasiamba Ntoado Sukuu a ɔtɔ do ebien (OLA Girls Senior High School) a ɔwɔ Ho, Volta Mantɔw no ahenkurow mu, faako a ɔnyaa GCE Ordinary Level wɔ afe 1969 mu.

Ɔkɔɔ United Kingdom baabi a ɔtsetsee nye ho wɔ Ipswich East Anglia Sukuu a Ɔhwɛ Ayarehwɛfo Do wɔ Ipswich (Ipswich East Anglia School of Nursing) wɔ Ipswich, Suffolk. Ɔnyaa saa abɔdzin krataa yi wɔ bosoom Dzifuu afe 1973 mu dɛ Ɔman no Ayarehwɛfo a Hɔn akyerɛw Hɔn Dzin. Afe biako (1) ekyi no, ɔtsetsee nye ho wɔ Awogyefo mu wɔ Saint Peter Ayaresabea a ɔwɔ Chertsey wɔ Surrey, na owiee saa sukuu no wɔ bosoom Dzifuu afe 1975 mu dɛ Ɔman Awogyefo a Hɔn agye Dzin.

Ɔdze nye dzin kɔhyɛɛ Birmingham Esuapɔn mu a ɔnyaa nye MSc wɔ Akwahosan Ho Dwumadzi na Nnwuma mu (MSc in Health Management and Administration) wɔ bosoom Ɔbɛsɛ afe 1997 mu.

Edwuma

Azumah-Mensah hyɛase yɛɛ edwuma dɛ ɔkyerɛwfo (clerical officer) wɔ Sikasɛm na Sikasɛm Ho Nhyehyɛe Dwumadzibea (Ministry of Finance and Economic Planning) wɔ afe 1969. Ɔfir hɔ kɔyɛɛ adzesua fofor wɔ United Kingdom - UK wɔ afe biako ekyi. Afei ɔyɛɛ edwuma dɛ ɔyarehwɛfo na awogyefo wɔ ayaresabea ahorow mu wɔ United Kingdom - UK.

Ɔtu kɔɔ Saudi Arabia, faako a ɔyɛɛ edwuma wɔ Ɔhen Abdulaziz Esuapɔn Ayaresabea (King Abdulaziz University Hospital) wɔ afe 1978 na 1984 ntsam hɔ. Ɔsan kɔɔ UK, na ɔyɛɛ edwuma wɔ Mayday Esuapɔn Ayaresabea wɔ afe 1984 na afe 1987 ntsam.

Ɔsan baa Ghana wɔ afe 1988 mu na ɔyɛɛ edwuma mfe ebien (2) dɛ Ɔyarehwɛfo Panyin (Principal Nurse) wɔ Ho Diocese. Wɔ afe 2001 na afe 2005 ntsam no, ɔnye Katolekfo Akwahosan Dwumadzibea (Catholic Health Services) yɛɛ edwuma wɔ Ho, faako a ɔsom dɛ Ɔkyerɛwfo Panyin/Akwahosan Dwumadzibea sohwɛfo (Executive Secretary/Director of Health Services) wɔ Ho Diocese no mu na Ɔmantɔw no sohwɛfo a ɔhwɛ nkitsahodzi do (Regional Co-ordinating Director).

Amanyɛsɛm

Wɔdzii kan paw Juliana Azumah-Mensah dɛ Mbrahyɛbaguanyi maa Ho Epuei Ambatow mpasua wɔ Ɔman Demokrasi Mbrahyɛbagua Kuw (National Democratic Congress - NDC) tekiti do wɔ afe 2004 Mbrahyɛbagua ambatow mu na ɔdzii n’akongua wɔ bosoom Sanda afe 2005. Ɔkuraa n’akongua mu wɔ afe 2008 ambatow no mu.

Kan Ɔmanpanyin John Atta Mills na odzii kan paw no dɛ Ɔsoafo a ɔhwɛ nsrahwɛ do wɔ afe 2009 mu. Wɔdze no kɔɔ Ɔsoafo a ɔhwɛ Mbea na Mbofra Nsɛm do wɔ bosoom Sanda afe 2010 mu, kɔsii afe 2012.

N'abrabɔ

Azumah-Mensah awar na ɔwɔ mba ebien (2). Ɔfir Agortime-Kpetoe a ɔwɔ Volta Mantɔw mu wɔ Ghana.