Joseph Yaani Labik

Joseph Yaani Labik yɛ Ghana amanyɛnyi na Mantamu mpontu Ɔfesa. Ɔsomee yɛ mbrahyɛbaguanyi dze maa Bunkpurugu-Yunyoo mpasuardo wɔ Etsifi mantɔw mu. Ɔyɛ Ankonam dzibewpɛfo (Independent candidate) a ɔanndɔm amanyɛkuw biara.

Ɔbra Ahyɛse na Nwomasua

Wɔwoo Labik wɔ afe apem ahaakorɔn eduonum-anan ne bosoom Obiradzi ne da a otsia ebien mu. Onyaa ne nkyerɛkyerɛ wɔ Ghana Suapɔn (University of Ghana) mu na hɔ na onyaa ne "Higher National Diploma wɔ social work.

Edwuma

Labik yɛ Mantamu mpontu Ɔfesa.

Amanyɛdwuma

Wɔpaaw Labik dɛ mbrahyɛbaguanyi dze maa Bunkpurugu-Yunyoo mpasuar a ɔwɔ Etsifi mbewdo wɔ Ghana wɔ mbrahyɛbagua a odzikan, dza otsia ebien na ebiasa mu wɔ kwasafoman a ɔtɔdo anan no mu wɔ Ghana.

Abatow

Woyii Labik dɛ mbrahyɛbaguanyi dze maa was Bunkpurugu-Yunyoo mpasuar wɔ afe apem ahaakorɔn eduokorɔn-ebien Ghana asahen abatow no mu. Afe apem ahaebien na anan mu no, odzii kunyim dɛ Ankonam dzibewpɛfo. Nna no nkotsee nye Ankonam dzibewpɛfo a odzii kunyim wɔ Etsifi mantɔw mu.

Wɔdze mba 8,436 dze fi mba dodow 31,880 a wotumii kanee a nna ogyina hɔ ma 26.5% yii no mbrahyɛbaguanyi. Wɔsaan Dubik A. Saman a ɔyɛ "People's National Convention" kuwba, Dubik Mahama Yakubu a ɔyɛ NPP kuwba, Namburr Berrick a ɔyɛ Akatamanso amanyɛkuwba (National Democratic Congress), Duut Martin Kombian a ɔyɛ Akokɔ Baatan amanyɛkuwba (Convention People's Party), Joseph Bipoba Naabu a ɔyɛ Ankonam dzibewpɛfo ho yii Joseph Yaani Labik mbrahyɛbaguanyi. Mba a dɛm nyimpakuw yi nyaa no yɛ 7.8%, 22.8%, 21.3%, 1.4% na 20.2% dɛ mbrɛ hɔn edzin no dzidzi do dze fi mba papa a wonyae no mu.

Wɔkaa ntamu guu Joseph Yaani do kɛhyɛɛ mbrahyɛbaguafie wɔ afe apem ahaakorɔn eduokorɔn-ebiasa ne bosoom Sanda ne da a ɔtɔdo esuon mu wɔber a odzii kunyim wɔ afe apem ahaakorɔn eduokorɔn-esia Ghana asahen abatow no mu. Ɔkɔr do dzii ne dzibew wɔ ber a Dubique Konlaa a ɔyɛ Akokɔ Baatan amanyɛkuwba a onyaa 63.90 a ɔyɛ mba 26,017 na David nyaa 8.70% a ogyina hɔ ma mba 3,547 dzii nkogu.

N'abrabɔ

Joseph Yaani Labik yɛ Kristianyi.