Joseph Emmanuel Ackah

Joseph Emmanuel Ackah yɛ Ghanaian amanyɛnyi, Okuanyi na mbrahyɛbaguanyi dze wɔ aban a odzi kan, dza otsia ebien na dza otsia ebiasa no mu wɔ kwasafoman a otsia a otsia anan(4th republic) no mu wɔ Ghana. Ɔyɛ mbrahyɛbaguanyi a odzi kan dze ma Jomoro mpasuar Atɔe mantɔw mu. Ɔyɛ wɔ "National Democratic Congress"amanyɛkuwba. Contents

   1 Ɔbra ahyɛse na Nwomasua
   2 Edwuma
   3 Amanyɛsɛm
       3.1 Afe 2000 abatow
   4 N'abrabɔ

ƆBRA AHYƐSE NA NWOMASUA: Ackah yɛ obi a wɔwoo no wɔ afe apem ahaakrɔn eduasa-anan ne bosoom a ɔtɔdo awɔtwe ne da a odzi ewiei(31 August 1934). Ɔkɔr skuul wɔ "University of Ghana" suapɔn mu. Hɔ na onyaa ne "Bachelor of Arts degree" wɔ abakɔsɛm mu. Ackah sanso kɔr "University of Cape Coast. Onyaa "Post-graduate" abawdobɔdze wɔ Nwomasua mu fir suapɔn no mu.

EDWUMA: Edwumayɛ mu no, Ackah yɛ Okuanyi mapa.

AMANYƐSƐM: Ackah odzi kan no, wɔpaaw no ber a afe 1992 Ghana mbrahyɛbaguafo abatow no rokɔ do dɛ mbrahyɛbaguanyi dze ma aban a odzi kan no wɔ kwasafoman anan (4th republic) no mu. Obedzii James V. Leuven Mensah a ɔyɛ "People's National Party" (PNP) kuwba no adze. Ɔsan yɛ mbrahyɛbaguanyi dze ma aban a otsia ebien na ebiasa wɔ kwasafoman anan mu wɔ Ghana. Ɔyɛ "National Democratic Congress" kuwba na ananmusinyi dze ma Jomoro mpasuar wɔ Atɔe mantɔw mu wɔ Ghana. N'amanyɛsɛm edwuma hyɛɛ ase wɔ ber a osii akan wɔ afe 1992 abatow no mu ma odzii kunyim wɔ National Democratic Congress tsikiitsi do. Ne mber soe, ɔsanee gyinaa bio wɔ afe 1996 na 2000 Ghana asahen abatow no mu.

AFE 1996 ABATOW: Ackah gyinaa afe 1996Ghana asahen abatow no mu wɔ "National Democratic Congress" kuw no tsikiitsi do dɛ wɔmpaw no dɛ mbrahyɛbaguanyi mma Jomoro mpasuar na ɔdze mba 22,881 dze dzii kunyim. Akansifo a aka nna wɔreper dɛm dzibew no yɛ Anthony Kwofie Jabialu a ɔyɛ Convention Peoples Party kuwba nyaa mba 13,401 na Patrick Tandoh Williams a ɔyɛ National Convention Party kuwba no so nyaa mba dze fir mba dodow no mu.

AFE 2000 ABATOW: Woyii Ackah dɛ mbrahyɛbaguanyi dze maa Jomoro mpasuar wɔ afe 2000 Ghana asahen abatow no mu. Odzi kunyim wɔ NDC tsikiitsi do. Dze fir ngua du-akorɔn a ɔwɔ mbrahyɛbaguafie no, nna ne mpasuar ka ngua akorɔn a NDC amanyɛkuw no tumii kantann do wɔ Atɔe mantɔw mu no ho. Mbrahyɛbaguafie ngua ahaebien mu no, National Democratic Congress amanyɛkuw no nyaa dɔm-kuma a na dodow no yɛ eduokorɔn-ebien dze fii mu wɔ aban otsia ebiasa wɔ kwasafoman anan no mu. Wɔdze mba 10,427 dze fi mba 32,232 dze yii no dɛ mbrahyɛbaguanyi. Iyi gyina hɔ ma 33.4%. Wɔsaan Patrick Somiah Ehomah a ɔyɛ "independent candidate", Peter Nwanwaan a ɔyɛ "New Patriotic Party" kuwba, Abraham Yankson a ɔyɛ "Convention People's Party" kuwba, Stephen Blay a ɔyɛ "National Reformed Party" kuwba, Richard Aduko Raqib a ɔyɛ "People's National Convention" kuwba na Patrick Tandoh Williams a no so yɛ "United Ghana Movement" kuwba ho yii Joseph Emmanuel Ackah. Mba a Ackah ne kotsiafo no nyae yɛ 8,171, 5,959, 4,762, 1,365, 389 na 131 dɛ mbrɛ hɔn edzin no dzidzi do no dze fir mba dodow a wɔtoow no dɛm afe no mu. Mba a wonyae no gyina hɔ ma 26.2%, 19.1%, 15.3%, 4.4%, 1.2% na 0.4% ndzidzido dɛmara.

N'ABRABƆ: Ackah yɛ Okristonyi.