Joseph Darko Mensah

Joseph Darko-Mensah (afe apem ahaakorɔn eduonan ebien ne bosoom Fankwa mu ne da a otsia eduonu-ebien kesi afe apem ahaebien du-biako ne Esusuowaketseaba ne da a ɔtɔdo du-esia) yɛ Ghana amanyɛnyi na Mbranyimfo a ɔsomee dɛ mbrahyɛbaguanyi wɔ mbrahyɛbagua a otsia ebiasa wɔ kwasafoman a ɔtɔdo anan no mu wɔ Ghana. Ogyinaa ma Okaikwei Etsifi mpasuar wɔ Nkran mantɔw mu wɔ Ɔson amanyɛkuw (New Patriotic Party (NPP) no ase.

Dza ɔwɔ mu;

   1 Amanyɛkuw adzeyɛ
       1.1 Mbrahyɛbaguanyi
           1.1.1 Afe 1996 Mbrahyɛbagua abatow
           1.1.2 Afe 2000 mbrahyɛbagua abatow
   2 Yii noho fii amanyɛsɛm  mu
   3 Nhwɛdo

AMANYƐKUW ADZEYƐ: Mbrahyɛbaguanyi;

Afe apem ahaakorɔn eduokorɔn esuon na afe apem ahaebien biako mu na odzi kan a Darko-Mensah bɛyɛɛ mbrahyɛbaguanyi wɔ ber a odzii kunyim wɔ afe apem ahaakorɔn eduokorɔn esia na afe apem ahaebien mbrahyɛbagua abatow no mu. Ɔdze mba dodow 33,067 dzii kunyim wɔ afe apem ahaakorɔn eduokorɔn esia Ghana asahen abatow no mu na mba 36,511 wɔ afe apem ahaebien Ghana asahen abatow wɔ Ɔson amanyɛkuw (New Patriotic Party) no tsikitsi do. Ghana asahen abatow a ɔkɔr do afe apem ahaebien anan mu no, Joseph Darko-Mensah hweer n'egua no ma okedzii Ewuraba Elizabeth K. Tawiah Sackey nsamu.

Afe apem ahaakorɔn eduokorɔn esia mbrahyɛbagua abatow;

Wɔpaaw Darko-Mensah dɛ mbrahyɛbaguanyi maa Okaikwei Etsifi mpasuardo wɔ Nkran mantɔw mu wɔ Ghana, ma ɔyɛɛ mbrahyɛbaguanyi wɔ mbrahyɛbagua a otsia ebien wɔ kwasafoman a ɔtɔdo anan no mu wɔ Ghana. Ɔdze mba 34,641 a nna ogyina hɔ ma 35.50% wɔ mba papa no nyinara mu dzii kunyim tsiaa n'akotsiafo: Philip Kwame Agbeyome a ɔyɛ Akatamanso kuwba a onyaa mba 33,067 ma ogyina hɔ ma 33.50% wɔ mba dodow a wɔtowee no mu, Kwaku Oteng Anane a ɔyɛ Akokɔ Baatan no kuwba (Convention People's Party) a onyaa mba 5,697 a ogyina hɔ ma 5.80%, Abdullah Nii Armah a ɔyɛ "People's National Convention" nyaa mba 3, 193 a ogyina hɔ ma 3.20% na Mohammed Saleh Sinare a ɔyɛ "National Convention Party" ananmusifo nyaa mba 474 a ogyina hɔ ma 0.50% dze fi mba papa no nyinara mu.

Afe apem ahaebien mbrahyɛbagua abatow;

Joseph san faa mbrahyɛbagua egua no wɔ Okaikwei mpasuardo wɔ afe apem ahaebien mbrahyɛbagua abatow a ɔkɔr do wɔ Ghana no mu. Mba wɔtowee no mu no, onyaa mba 55.50% dze dzii kunyim. Darko-Mensah nye dzibea hwehwɛfo ahorow sii akan wɔ Akatamanso amanyɛkuw no mu a ɔyɛ Mrs. Mawuenyenga Sally Okauley, "People's National Convention" (PNC) ananmusinyi a ɔyɛ Alhajia Salamatu Ali-Lawal, "National Reform Party" (NRP) kuw a na ananmusinyi no yɛ Barikisu Shardow Shahad, na Akokɔ Baatan (Convention People's Party (CPP) ananmusinyi a ɔyɛ Reindorf Nii Kwao Mettle. Mba a tsemanmufo no towee no dodow yɛ 65,742. Mr. Darko-Mensah nyaa mu 35,611 dze twaa Owurayer Okailey a onyaa mba 12,045 dze dzii kunyim. Owurayer Okailey nyaa mba 24,466 a ɔyɛ 37.20%. PNC, NRP na CPP ananmusifo no nyaa mba 2,268, 1,328, and 1,169 ndzidzido.

YII NOHO FII AMANYƐSƐM MU:

Joseph Darko-Mensah yii noho fii amanyɛsɛm mu na ɔsanee dze noho kɛhyɛɛ adzeyɛ a ɔfa mbra kwan do wɔ ber a wɔpaam no fii Ɔson amanyɛkuw no mu wɔafe apem ahaebien asahen abatow no mu wɔ nsusui bi ho dɛ oguu kuw no ho fi.

NHWƐDO:

"Ghana Elections 2000-Results". Peacefmonline. Retrieved 3 September 2020. "Greater Accra Region". www.ghanareview.com. Retrieved 9 October 2020. "MP Escapes Attack". Modern Ghana. Retrieved 9 October 2020. "Parliament: Greater Accra Region". Peacefmonline. Retrieved 3 September 2020. "NPP Sacks Former MP". GhanaWeb. 4 April 2005. Retrieved 3 September 2020.