John Kwekuchur Ackah

John Kwekuchur Ackah yɛ Ghana ɔmanyɛnyi na mbrahyɛbaguanyi wɔ mbrahyɛbagua a ɔtɔ do ebien na ebiasa wɔ "4th Republic" mu wɔ Ghana. Ɔyɛ nkan Mbrahyɛbaguanyi dze ma Aowin Suaman ambatow mpasua a ɔwɔ Anee Mantɔw mu, a nna ogyina NDC amanyɛkuw no ananmu wɔ Ghana.

AMANYƐSƐM

Nna Ackah ka mbrahyɛbaguafo a nna wɔwɔ mbrahyɛguamu a ɔtɔ do ebiasa wɔ "4th Republic" mu wɔ Ghana. Ɔyɛ NDC amanyɛkuw ba a na ogyina mu ma Aowin Suaman ambatow mpasuado a ɔwɔ Anee Mantɔw mu wɔ Ghana. N'amanyɛsɛm hyɛɛ ase wɔ ber a ogyinae wɔ mfe apem ahankron eduokron esia(1996) no mu na odzii nkonyim maa n'amanyɛkuw a ɔyɛ NDC. Wɔ mfe mpem ebien(2000) ambatow no mu no, ɔsan gyinae na odzii nkonyim bio. Wɔ mfe mpem ebien na anan(2004) ambatow no mu no, wɔkyɛɛ Aowin Suaman ambtow mpasua no mu ebien ma ɔbɛyɛɛ Aowin na Suman ambatow mpasua. Ackah gyinae wɔ Aowin mbrahyɛbagua egua no ho dze maa NDC naaso, odzii nkogu ma Samuel Adu Gyamfi a ɔyɛ NPP amanyɛkuwnyi bɛfaa egua no.

1996 AMBATOW

Ackah gyinae dɛ mbrahyɛbaguamunyi dze maa Aowin Suaman ambatow mpasua wɔ mfe apem ahankron eduokron esia(1996) ambatow no mu wɔ NDC amanyɛkuw ne dzin mu. Nyimpa binom tse dɛ, Kingsley Ofori Asante a ɔyɛ NPP amanyɛkuwnyi, S.B.Ing Arthur a ɔyɛ NCP amanyɛkuwnyi na Frank Ernest Prah a ɔyɛ IND amanyɛkuwnyi na wɔnye Ackah per dzibew no. Woyii Ackah dɛ ɔkandzinyi ɔnam n'amba kɛse a ɔyɛ mpem eduonuakron na eduokron ebien(29,092) a ogyina hɔ ma ɔha nkyekyɛmu eduanan enum ekyir pɔw eduonu(45.20%).

2000 AMBATOW

Woyii Ackah dɛ mbrahyɛbaguamunyi dze ma Aowin Suaman ambatow mpasua wɔ mfe mpem ebien(2000) Ghana ambatow no mu. Odzii nkonyim wɔ NDC amanyɛkuw ne dzin mu. N'ambatow mpasua ka mbrahyɛbagua ngua akron(9) a wonyaa fi ngua duakron(19) a NDC amanyɛkuw no nyaa wɔ Anee Mantɔw mu. Amanyɛkuw a ɔyɛ NDC nyaa mbrahyɛbagua ngua dodow a ɔyɛ eduokron anan(94) fir mbrahyɛbagua ngua dodow a ɔyɛ ahabien(200) wɔ mbrahyɛbagua fie a ɔtɔ do ebiasa wɔ "4th Republic" mu wɔ Ghana. Onyaa amba a ɔyɛ 17,430 fir amba dodow a wɔtoo a ɔyɛ 36,579. Iyi gyina hɔ ma ɔha nkyekyɛmu eduoanan akron ekyir pɔw anan(49.4%). Onyaa amba sen nyimpakuw a wodzidzi do yi;Alfred Ackaah Essuman a ɔyɛ NPP amanyɛkuwnyi, Pauliv Assuah a ɔyɛ CPP amanyɛkuwnyi, Peter Beng a ɔyɛ PNC amanyɛkuwnyi, Yaw Boakye a ɔyɛ United Ghana Movement (UGM) amanyɛkuwnyi. Nyimpakuw nyaa amba a ɔyɛ; 12,871, ahanan na eduosuon ebien(4,072), ahanum na eduokron kor(591) na ahabiasa na eduoanan akron(349) wɔ amba dodow a wɔtoo no mu. Iyinom gyina hɔ ma ɔha nkyekyɛmu a ɔyɛ, eduasa esia ekyir pɔw anan(36.4%), dubiako ekyir pɔw enum(11.5%), kor ekyir pɔw esuon(1.7%) na ɔha nkyɛmu kor(1%).