Jagri John Kophah

Jagri yɛ Ghana amanyɛnyi na mbrahyɛbaguanyi wɔ mbrahyɛbagua a odzikan no wɔ kwasafoman a otsia anan no mu dze ma Zabzugu/Fatale mpasuar fitsi afe apem ahaakorɔn eduokorɔn-esuon ne bosoom Sanda ne da a ɔtɔdo esuon kesi afe apem ahaebien na kor ne bosoom Sanda ne da a ɔtɔdo esia wɔ Ɔmampanyin dadaw Jerry John Rawlings aban ase. Wɔwoo no afe apem ahaakorɔn eduonum-esia ne bosoom Esusuowaketseaba ne da ɔtɔdo esia wɔ Zabzugu/Fatale a ɔwɔ Etsifi Mantɔw mu wɔ Ghana.

ƆBRA AHYƐSE NA NWOMASUA: John kɔr Tamale Ayarhwɛfo Ntsetsee Kɔlegyi na onyaa ne abawdobɔdze wɔ "General Nursing" mu.

EDWUMA: John yɛ Ɔyarhwɛfo na ne dɛm no ɔsan yɛ nkan Ghana amanyɛnyi.

AMANYƐSƐM: Odzikan no wɔpaaw John dɛ mbrahyɛbaguanyi wɔ NDC amanyɛkuw no akwanya ahoma do dze maa Zabzugu/Fatale mpasuar wɔ Etsifi mantɔw mu wɔ Ghana wɔ afe apem ahaakorɔn eduokorɔn-ebien Ghana amansan abatow no mu. Afe apem ahaakorɔn eduokorɔn-esia Ghana amansan abatow mba 24,112 mu no, John nyaa mba 15,717 a nna ogyina hɔ ma 44.40% tsiaa hɔn a wɔnye no sii akan no ho; Mohammed Dramani a ɔyɛ NPP amanyɛkuwba nyaa mba 5,437 a nna ogyina hɔ ma 15.30% na Jacob Nasanpi Nwulu nyaa mba 2,958 a ogyina hɔ ma 8.40%. Ne nyinara mu no, NDC amanyɛkuw abatow a odzikan no ansaana afe apem ahaebien Ghana amansan abatow no, John hweer ne dzibew wɔ NDC amanyɛkuw no dzin mu ma okedzii Mohammed Jagri nsamu a nna ne mba no yɛ 8,237 a ogyina hɔ ma 35.80% wɔ mbrahyɛbagua a ɔtɔdo ebien no mu wɔ kwasafoman a otsia anan no mu wɔ Ghana.

NHWƐDO:

"maryjonah/maryjonah.github.io". GitHub. Retrieved 18 February 2021. "Election Nerve Centre :: Asaase Radio". elections.asaaseradio.com. Retrieved 18 February 2021. Book title: Ghana Parliamentary Register 1992–1996 Publisher: Ghana Publishing Corporation Date: 1993 Page: 233 "Former NDC MPs to help party win Election 2012". Modern Ghana. Retrieved 18 February 2021. Online, Peace FM. "Former NDC MPs To Help Party Win Election 2012". Peacefmonline.com – Ghana news. Retrieved 18 February 2021. FM, Peace. "Ghana Election 1996 Results – Zabzugu Constituency". Ghana Elections – Peace FM. Retrieved 13 October 2020