Isaac Kolibilla Batesimah

Isaac Kolibilla Batesimah yɛ Ghana amanyɛnyi na kuw ba wɔ mbrahyɛbagua fie a ɔtɔ do ebien wɔ "4th Republic" a ogyinaa mu maa Narerigu ambatow mpasua wɔ Etsifi Mantɔw mu wɔ Ghana.

Abɔse na nwomasua

Wɔwoo Isaac wɔ mfe apem ahankron eduanan akron(1949) wɔ Narerigu a ɔwɔ Etsifi Mantɔw mu wɔ Ghana. Ɔkɔr skuul wɔ E.P Training College ma onyaa abɔdzin krataa wɔ akyerɛ mu(Certificate in Teaching).

Edwumasɛm

Sɛ yeyi n'amanyɛsɛm edwuma no to nkyɛn a, ɔsan yɛ Kyerɛkyerɛnyi.

Amanyɛsɛm

Wɔdze Isaac sii egua do wɔ Sanda da ɔtɔ do esuon wɔ mfe apem ahankron eduokron ebiasa(7th January,1992) ber a wɔbɔɔ ne dzin dɛ nkonyimdzinyi wɔ mfe apem ahankron eduokron ebien(1992) mu wɔ ambatow a wɔtoo wɔ Mumu da ɔtɔ do eduonu akron wɔ mfe apem ahankron eduokron ebien(29th December, 1992) mu.

Ɔsan so nyaa ne dzibew no bio wɔ mbrahyɛbagua fie a ɔtɔ do ebien wɔ "4th Republic" wɔ NDC amanyɛkuw ne dzin mu, a ogyinaa mu maa Narerigu ambatow mpasua do wɔ Etsifi Mantɔw mu, wɔ ber a odzii nkonyim wɔ mfe apem ahankron eduokron esia(1996) ambatow no mu. Onyaa amba 19,142 a ɔyɛ ɔha nkyɛmu eduonu biako(51.00%) fir amba dodow a ɔyɛ 28,118 mu. Onyaa amba sen Assani Issahaku Emmanuel a onyaa 5,051 a ɔyɛ ɔha nkyɛmu duebiasa ekyir pɔw eduonu(13.50%), Hamidu Napoleon Dawuni nyaa 2,019 a ɔyɛ ɔha nkyɛmu enum ekyir pɔw eduanan(5.40%) na John Wuni Grumah nyaa 1,906 a ɔyɛ ɔha nkyɛmu enum ekyir pɔw du(5.10%). Dr. Tia Sugri Alfred botuu no fir adze do wɔ mfe mpem ebien(2000) hɔn amanyɛkuw ambatow no mu.

Ne gyedzi

Isaac yɛ Kristonyi.