Ghartey VII Article Talk
Neenyi Ghartey VII yɛ ɔmanhen dze ma Efutu apaa mu na tsetsesɛm panyin wɔ Winneba wɔ Ghana.
Ahyɛse Bra Na Nwomasua
[sesa mu | sesa ekyirsɛm]Ber a wɔwoo Ghartey VII no wɔtoo no dzin Daniel Kobena Bortse Ghartey. Wɔwoo no wɔ afe 1957 wɔ Ebɔbira bosoom da ɔtɔ do ebiasa, wɔ Winneba. N'awofo nyina yɛ mintsimadze wɔ Effutu Simpa. Ɔkɔr skuul wɔ Winneba Urban Council Primary School fitsi afe 1967 kesi 1970, na ɔtoaa do wɔ Methodist Middle Boys' School. Ɔsan toaa do wɔ Accra Academy hɔ na onyaa ne nsɔwdo skuul ntsetsee no. Hɔ no, onyaa abɔdzin krataa a ɔyɛ GCE Ordinary Level Certificate wɔ afe 1975 mu. Ekyir no, onyaa n'abɔdzin krataa a ɔyɛ Advanced Level Certificate wɔ Winneba Nsɔwdo Skuul mu.Onyaa n'abɔdzin krataa a ɔyɛ first degree wɔ Ghana Suapɔn mu, mekyerɛ Bachelor of Science wɔ Faculty of Agriculture wɔ abɔdzin wɔ Mboa ho Abɔdzehonyansapɛ. Ghartey VII nyaa ntsetsee a odzi mu wɔ Central Poultry Training Institute, Hessaraghatta a ɔwɔ India.
Ahendzi
[sesa mu | sesa ekyirsɛm]Wɔdze Neenyi Ghartey sii adze do dɛ ɔhen wɔ Sanda 20, 1996, wɔ ber Neenyi Ghartey VI wui wɔ afe 1994 mu no. Wɔmaa ɔdaa noho do afe kor ansaana wɔdze no risi adze do. Ɔbɛyɛɛ kuw ba wɔ Ɔman No Nyina Ahemfo kuw no wɔ afe 2004 kesi 2008 mu.
N'abrabɔ
[sesa mu | sesa ekyirsɛm]Ɔyɛ obi a ɔgye sunsum mu nsɛm dzi na ɔpɛ tsetse ndwom so.