George Buadi
George Buadi ( wɔwoo no wɔ Ayɛwoho bosoom da ɔtɔ do ebiasa wɔ mfe apem ahankron eduosia ebiasa mu) ɔyɛ Ghana amanyɛnyi wɔ mbrahyɛbagua fie a odzi kan na ma ɔtɔ do ebien wɔ "4th Republic" mu wɔ Amenfi East ambatow mpasua do wɔ Anee Mantɔw mu.
Ɔbra ahyɛase na nwomasua
[sesa mu | sesa ekyirsɛm]Wɔwoo Buadi wɔ Ayɛwoho bosoom da ɔtɔ do ebiasa wɔ mfe apem ahankron eduosia ebiasa mu(3rd July,1963), wɔ Amenfi East wɔ Ghana Anee Mantɔw mu. Ɔkɔr skuul wɔ Ghana Suapɔn mu na Ghana mbra skuul(Ghana School of Law) ma onyaa abɔdzin krataa a ɔyɛ " Bachelor of Arts" na "Bachelor of Law" ber a okosua Amanyɛsɛm na Mbra ho nyimdzee wie no.
Amanyɛsɛm
[sesa mu | sesa ekyirsɛm]Buadi dzii kan kɔɔ mbrahyɛbaguafie wɔ NDC amanyɛkuw ne dzin mu dze maa Amenfi East ambatow mpasua do a ɔwɔ Anee Mantɔw mu wɔ Mumu bosoom no mu wɔ mfe apem ahankron eduokron ebien mu. Ɔsan so nyaa kwan wɔ mbrahyɛbaguafie wɔ mfe apem ahankron eduokron esia ambatow no mu, a onyaa amba dodow a ɔyɛ 15,890 fir amba dodow a ɔyɛ 30639 mu a ogyina hɔ ma ɔha nkyekyɛmu eduasa awɔtwe ekyir pɔw eduasa(38.30%), sen Doris Gyapomah Oduro a ɔyɛ NPP amanyɛkuwnyi a onyaa amba 11,638 a ogyina hɔ ma ɔha nkyekyɛmu a ɔyɛ eduonu awɔtwe ekyir pɔw du(28.10%) na Eric Coffie a ɔyɛ NCP amanyɛkuwnyi a onyaa 3,111 a ogyina hɔ ma ɔha nkyekyɛmu esuon ekyir pɔw eduonu(7.50%). Joseph Boahen Aidoo a ɔyɛ NPP amanyɛkuwnyi dze amba a ɔyɛ 14,578 a ogyina hɔ ma ɔha nkyekyɛmu eduonu enum ekyir pɔw eduokron(55.90%) botuu Buadi fii adze do.
Edwumasɛm
[sesa mu | sesa ekyirsɛm]Sɛ yeyi Buadi n'amanyɛ edwuma si nkyɛn a, ɔsan so yɛ Lɔyanyi(lawyer).
Gyedzi
[sesa mu | sesa ekyirsɛm]Buadi yɛ Kristonyi.